9- ترتيبات زواج
1577 Words
فقدت عليا وعيها و وقعت بين يدي زين ف صدم زين وحملها ونظر امامه وجد بيت صغير اتجه اليه وهو حاملها ودق الباب وانتظر لثواني حتى فتح الباب رجل عجوز و تفاجأ بوجود شاب يحمل فتاه ف قال : خير يا ابني انت مين ومين دي ؟!
قال زين بسرعه وقلق : معلش ممكن تستضيفنا عندك بس ربع ساعه بالكتير و فيه واحد صاحبي هييجي ياخدنا .
الرجل العجوز : ماشي يا ابني اتفضل .
دلف زين وكان المنزل صغير يتكون من صاله ومطبخ و حمام وغرفه واحده ف وضع عليا على الاريكه ف اقترب الرجل وقال : هي مين دي يا ابني ومالها تعبانه ولا ايه ؟!
قال زين : دي مراتي و هي حامل و تعبت والعربيه عطلت ف اضطرينا ننزل ف تعبت اكتر واغمى عليها .
العجوز بطيبه : ربنا يقومها بالسلامه متقلقش انا هجيب لها من جوه مايه نفوقها .
دلف العجوز وخرج بعد دقائق حاملا بيده كوب ماء و اعطاه لزين الذي سكب منه على يديه و وضع قطرات الماء على وجه عليا ف فاقت عليا ونظرت حولها وجدت نفسها في منزل غريب وزين يجلس امامها و ايضا رجل عجوز ف قالت عليا بتعب : زين.....احنا فين ، وهو ايه اللي حصل ؟!
زين بطمأنينه : متقلقيش انتي تعبتي شويه و طلبت من عمو المساعده وشويه و واحد صاحبي هياخدنا يروحنا .
ابتسم العجوز وفهم من نظرات زين انه يحبها وبعد اطمئنان عليا من حديثه شعر ايضا انها تبادله نفس الشعور ولما لا فما متزوجان مثل ما قال زين .
عليا بشكر : شكرا جدا يا عمو مش عارفه اقولك ايه .
العجوز : متقوليش حاجه يا بنتي ربنا يقومك بالسلامه ها ولد بقى ولا بنت ؟!
استغربت عليا حديثه وقالت بدهشه : هو ايه ؟!!
العجوز : مش انتي حامل يا بنتي ؟!
نظرت عليا ل زين وهو هز رأسه بمعنى ايوه صح ، فنظرت عليا للعجوز وقالت : اه يا عمو انا حامل في ولد .
العجوز : ربنا معاكي يا بنتي طيب انا هقوم اجيب حاجه ناكلها من جوا .
عليا : لا استنى هدخل انا متتعبش نفسك .
العجوز : و ينفع برضو وانتي تعبانه كده خليكي انتي مرتاحه .
دلف العجوز وتركهم بمفردهم فنظرت عليا لزين ب غضب وقالت : انا عايزه افهم انت قولتله ايه بالظبط .
زين ببراءه : انا مقولتش حاجه .
عليا بعصبيه : زين متعصبنيش قولتله ايه ؟!
زين : قولتله انك مراتي وحامل .
اتصدمت عليا وقالت : مراتك !!! وحامل كمان !!! طيب ليه قولتله كده ؟!
زين : خلاص كنت اقوله بقى انك خطيبتي وكنا مع بعض طول الليل لوحدنا في الصحرا واغمى عليك و شيلتك .
عليا ب غضب مره اخرى : ايوه صح انتي ازاي تشيلني كده انا مسمحتلكش .
زين ب مرح : خلاص المره الجايه قبل ما يغمى عليكي ابقي امنعنيني او اقولك انا هبقى اصحيكي آخد اذنك واشيلك حلو كده ؟!
عليا : على فكره انت مستفز ودمك مش خفيف خالص .
زين باستفزاز : عارف على فكره .
....
كانت ناديه جالسه بالصالون ودلف كامل ف نهضت وقالت : ها عرفت هي فين ؟!
كامل : متقلقيش زين بعتلي رساله وقالي انهم جايين و هيقولي كل حاجه لما ييجي .
ناديه بارتياح : زين ده والله مفيش زيه .
كامل : عندك حق هو فعلا شاب كويس .
ناديه : ربنا يخليهم لبعض ونفرح بيهم قريب بقى ابقى كلم خالد وقوله لو هما جاهزين مش لازم نستنى شهر الولاد خلاص خدوا على بعض واحنا جاهزين واظن هما كمان مش ناقصهم حاجه نتكل على الله احسن .
كامل بتوتر من موضوع الزواج : هنشوف بعدين لما نفهم الاول ايه اللي حصل خلاهم ميجوش من امبارح .
....
دلف ايمن مساعد خالد وقال : خالد بيه زين بيه اخد عليا هانم امبارح و راحوا سفاري و ناموا هناك ولسه كانوا راجعين الصبح لكن العربيه عطلت وهو كلم واحد صاحبه يروح يجيبهم .
اومأ له خالد ف خرج ايمن وفكر خالد : دلوقتي زين وعليا خدوا على بعض واتعرفوا كويس بس لازم يتجوزوا قبل ما زين يتعلق بيها او يحبها عشان اقدر اتحكم في كامل بيها وهي تحت ايدي وفي بيتي ومن غير تدخل زين في الموضوع لأنه لو حبها مستحيل هقدر استخدمها في حاجه لازم يتجوزوا في اسرع وقت .
....
وصل امجد امام منزل العجوز وانتظر امام الباب ثم خرج زين وهو ممسك بيد عليا وساندها ويقول لها : لسه دايخه ؟!
عليا : شويه بس لما اقف في الهوا هبقى كويسه .
سلم زين على العجوز هو و عليا و اتجهوا للسياره وعندما وجد امجد زين يساند عليا قال بتلقائيه : عليا انتي كويسه ؟! ثم صحح جملته قائلا : ق....قصدي انسه عليا انتي كويسه ؟!
نظرت له عليا وبدأ حديث نادين عنه يثير شكوكها من تصرفاته التي تغيرت ١٨٠ درجه منذ معرفته ب خطوبتها و اهمتمامه بالسؤال عنها .
عليا : اه يا دكتور كويسه .
فتح لها زين الباب الخلفي و ادخلها ثم ركب هو بالامام و ركب امجد مكان القياده .
....
في السياره
كان زين يلتفت لعليا كل دقيقه ويسألها هل اصبحت افضل اما امجد فكان طول الطريق ينظر لها بالمرآه ويتمنى لو انه يستطيع التحدث اليها هكذا مثل زين .
....
خرجت عليا من السياره و خرج زين وقال ل امجد : انا هدخل خمس دقايق و طالع استناني .
دلف زين مع عليا و جلسوا بالصالون مع كامل وناديه التي كانت تحتضن عليا بعد معرفتها انها فقدت الوعي بسبب الشمس .
كامل : انا بشكرك يا زين يا ابني انك مسبتش عليا لوحدها في موقف زي ده وانك كنت معاها و كمان وصلتها لحد هنا .
زين : العفو يا عمي انا بس حبيت اجي لحد هنا عشان اطمن ان عليا بقت بخير و كمان عشان اوضح يعني اللي حصل امبارح .
كامل : متقلقش انا فاهم كل حاجه والموضوع ده حصل معايا انا وناديه زمان قبل ما نت صحح كامل جملته سريعا قصدي قبل ما نخلف عليا فاكره يا ناديه ؟!
توتر ناديه بسبب خطأ كامل اثنا الحديث وقالت : اه اكيد فاكره .
ابتسم زين ثم نهض حتى يرحل و سلم على كامل وناديه و ودع عليا وخرج ركب السياره و وجد امجد شارد ف قال : امجد فوق انت سرحان ولا ايه ؟!
امجد : اه اصلي منمتش امبارح كويس .
زين : ليه خير ؟!
امجد بتلقائيه : كنت بفكر في ع صمت امجد سريعا ف شك زين به وقال : بتفكر في ايه ؟!
امجد : بفكر في عميل عندنا كان محتاج شويه حاجات وانا بحاول اجمعها .
زين بعدم تصديق : اه تمام طيب يلا اتحرك بقى وصلني البيت انت كمان روح ارتاح انهارده ومتنساش تبعت حد ياخد عربيتي .
امجد : بعت حد خلاص متقلقش .
....
دلف زين منزله وجد خالد بانتظاره و وقف امامه قائلا : زين انتوا لازم تتجوزوا خلال الاسبوع ده .
زين باستنكار : ليه مش فاهم هو مش حان الاتفاق بعد شهر ؟!
خالد : ايوه بس انا غيرت رأيي وقررت انه يبقى الاسبوع ده يعني قبل بدايه الاسبوع الجاي تكونوا متجوزين .
زين باستسلام : طيب يا بابا انا هكلم عمو كامل واقنعه .
خالد : لا سيب كامل عليا انت قول ل عليا .
زين : حاضر يا بابا .
صعد زين غرفته وهو يشعر ب شعور غريب تجاه والده يا ترى ما هي اسباب استعجاله وكيف سيقنع كامل ؟!
....
في اليوم التالي جلس خالد امام كامل واخرج هاتفه و فتح صوره شاب في اواخر العشرينات وقال : اما انا بقى يا كامل لقيتلك حته واد قناص ايه مقولكش ومش اي قناص ده اسباني .
استغرب كامل من حديث خالد وتوتر وقال : قناص ليه يا خالد ؟!
خالد : في فرح كده لو متمش قبل نهايه الاسبوع هتبقى صوره الولد القناص ده موجوده في كل الاخبار بتهمه قتل عليا الالفي .
نهض كامل بغضب وقال : تاني يا خالد انت مبتحرمش ابدا انت ايه يا اخي تفكيرك ده ايه بقى جايب لبنتي قناص مخصوص عشان تقتلها لا وبتقولها في وشي .
خالد : ما هو انت لو سمعت الكلام الخبر ده مش هيتنشر ولا حاجه ولا هيحصل بس انت تسمع الكلام و الولاد يتجوزوا قبل اخر الاسبوع وانا اقنعت زين امبارح وهو هيكلم عليا و هيقولها انهم لازم يتجوزوا عشان الشهر الجاي هيبقى عنده افتتاح فرع جديد لشركته .
جلس كامل مره اخري وقال ل خالد بهدوء : خالد لو سمحت قولي انت عايز ايه من غير لف ودوران .
خالد بهدوء : الولاد فرحهم يتم خلال اسبوع وهديه جوازهم عندي الف كرتونه هيتسلموا انهارده بليل و بفلوسهم هعملهم احلى فرح على حسابي و نسبتك هتوصلك طبعا تعمل بيها اللي انت عاوزه .
كامل : قولتلك قبل كده ان فلوس الشغل ده انا مش بصرفها انا بحطها في البنك وبصرف من فلوس شغل الشركه الحلال .
خالد : هتشتغلي تاني بقى في اسطوانه حرام وحلال انت طيب هسيبك بقى قبل ما تكمل كلام سلام يا...يا ابو نسب .
خرج خالد و وضع كامل رأسه بين يديه و تأكد من شكوكه وان خالد يريد زواج عليا من زين حتى يضمن عمله معه عن طريق ابنته الوحيده ولكنه لن يسمحله وسوف يدمر خطته .
....
تحدث زين مع عليا و اقنعها بالزواج بعد اخبارها ان والدها موافق ف ايضا وافقت عليا ف قال زين : انا نفسي اعرف انتي طالعه عناديه كده لمين ؟! ولا باباكي ولا مامتك كده ؟!
عليا : في دي الصراحه مش عارفه انا طالعه لمين كده او ليه مطلعتش شبههم .
زين : عليا بالمناسبه انتي لازم تروحي تشتري فستان للفرح يعني عشان الناس والفرح وكده .
تذكرت عليا من حديثه حقيقه زواجهم والتي قد كانت نستها بالفعل بسبب تصرفات زين والتي ادركت انها اكيد بسبب والده و المصلحه التي بينهما .
اما زين ب لعن نفسه لأنه قال هكذا فهو يتمنى لو يكون هذا الزواج حقيقيا يتمنى لو انه تعرف اليها في ظروف غير هذه .
- Writer
- chap_listContents
- likeADD