CHAPTER 19
PRESENT
Hindi ko na naitago sa mga magulang ko ang totoo. Isang linggo kong kinimkim mag-isa ang sikretong ‘yon. Maski kay Shana na may idea na ay ‘di ko sinabi. ‘Di ko alam kung paano ilalabas. Dumating na lang ako sa punto na kailangan ay may mapagkatiwalaan ako. At sina Mama at Papa ‘yon.
Habang naghahapunan ay tahimik silang nakatingin sa’kin. Sinabi ko kasi na may mahalaga akong sasabihin ngunit hirap na hirap akong bigkasin ang mga salitang ‘yon.
“Buntis po ako.” Tumutulo ang luha ko nang banggitin ko ‘yon sa kanila. Ang mukha ni Papa ay mukhang natutuwa na magkakaapo na siya sa’kin. Habang ang kay Mama naman ay may pagtatanong kung papaano nangyari ang kasasabi ko pa lamang.
Ipinaliwanag ko sa kanila ang nangyari noong gabi sa beach resort. Akala ko ay magagalit si M
