CHAPTER 37
PRESENT
Sa dami ng sinabi sa’kin ni Novel, na-overwhelm ang utak ko. Tinapos namin ang dinner namin no’ng hapon na ‘yon na tahimik. Bakit ngayon niya lang sinabi sa’kin na nagustuhan niya ‘ko noong college? Bakit kailangan niya pang sabihin ang bagay na ‘yon? Ibig sabihin ba no’n ay gusto at kilala niya ako noog gabi na nagkita kami sa beach house? Kung siya ba ang mas nauna kong nakilala kay Kaleo, magugustuhan ko rin ba siya?
Hindi. Dahil sa mga ipinakita niya sa’kin, hindi ko alam kung masisikmura pa ba siya ng mas batang bersyon ko. Ibang-iba si Kaleo noon na unang pag-uusap pa lang namin ay tila nakuryente na ‘ko na galing ng communication skills niya.
Dahil ‘di ako makatulog kaiisip, tinawagan ko si Shana.
“Hatinggabi na, ah.” First time sa matagal na panahon, pareha
