Hindi magawang salubungin ni Patricia ang paningin ng ina ni Bryan. Napayuko siya.
“M-Magandang gabi po.”
Hindi niya talaga maiwasan na mautal. Sobrang nakaka-intimidate kasi ang prisensiya ng ina ni Bryan. Nangibabaw sa pagkatao niya ang kaba sa tuwing kaharap niya ito. Wala siyang nakuhang sagot mula sa ina ni Bryan. Akala niya ay sisinghalan siya nito. Ngunit pag-angat niya ng paningin ay wala na ito sa kanyang paningin.
Nakahinga siya ng maluwag saka nagpatuloy sa pagpasok sa loob ng mansion. Pagdating niya sa loob ng mansion ay agad hinanap ng paningin niya si manang. Ibabalik niya ang cellphone nito.
“Matagal ka ng nagtatrabaho sa akin manang. Mula ng isinilang ko ang kambal ay narito ka na sa amin. Sa haba ng panahon na nagtrabaho ka sa amin iniisip ko na baka pagod ka na at k
