سلسله حكايات سمر الجزء الاول
2169 Words
النهارده كان أول يوم في شغلي كنت نايمه وانا فرحانه اوي أن اخيرا اتقبلت في الوظيفه الجديده مكنتش مصدقه نفسي أن اخيرا هبقا محاسبه في البنك بعد كل التعب ده حقيقي احساس الفرحه ده عظيم اوي حضرت لبسي ونمت.
ماما: اصحي ياسمر هتتاخري علي الشغل ياسمر اصحي
انا: حاضر ياماما استني شويه
ماما: استني اي يابنتي قومي بلاش دلع بقا هتتاخري
انا: قومت غسلت وشي بسرعه وخدت دوش
ماما: افطري ياسمر قبل متنزلي علشان تركزي
انا: قولتلها لا ياماما هتاخر
ماما: اشربي حته كوبايه اللبن دي
انا: فطرت وقولت لبابا يابابا خلصت لبس
بابا: بلبس الجزمه ياحبيبتي اهو
انا:طيب يلا يابابا بسرعه علشان توصلني بعربيتك لحد البنك
نزلت انا وبابا ووصلني لحد البنك ودخلت البنك وانا قلبي هيطير من الفرحه ودخلت للمدير وبعدين استلمت شغلي.
بصراحه حسه اني غريبه اوي في الشغل لاني جديده ومتصحبتش علي حد بس لقيت واحده داخله عليا بتقولي ازيك قولتلها الحمدلله قالتلي اخبار الشغل معاكي ايه قولتلها حلو والله بس علشان اول مره وكدا فحسه أنه كتير بس أن شاء الله هتعود
هي:اكيد هتتعودي. انا بقا امنيه وانتي اسمك ايه؟
انا: قولتلها سمر
هي: قالتلي طيب ياسموره اشتغلي انتي دلوقت واحنا مروحين نبقا نكلم
انا: قولتلها خلاص ماشي كنت فرحانه اني اتعرف علي حد
وبعدين خلصنا الشغل
هي: سمر انتي بيتك فين
انا: قريب من البنك قبليه بشارعين
هي : اي الصدف دي انا كمان في نفس الطريق يلا نمشي سوا. ناخدها مشي وخلاص اهو نتعرف علي بعض اكتر .
وبعدين واحنا ماشين
هي : قالتلي انتي مخطوبه
انا: لا لا خطوبه اي دلوقت مش بفكر في الخطوبه دلوقت انا كان حلمي الشغل ونفسي اركز في شغلي اكتر قولتلها وانتي
هي: انا مخطوبه وخطيبي بيشتغل في السعوديه وهنجوز الصيف الجاي أن شاء الله
انا: ربنا يسعدك يارب وان شاء الله هاجي فرحك بقا
هي: تنوريني ياقلبي احنا خلاص بقينا صحاب ياسموره
انا:طبعا اكيد
هي: هبقي ارن عليكي بكرا نروح الشغل سوا بقا
انا: خلاص هستناكي.
وصلنا بقا كل واحد عند بيته وطلعت انا بيتي وهي روحت
انا: رنيت الجرس
ماما: مين
انا: انا سمر ياماما افتحي
ماما فتحت
انا: ازيك ياماما ازيك يابابا
انا: هموت من الجوع ياست الكل عملتي الاكل
ماما: اه ياسمر غيري هدومك عبال مااحط الاكل
انا: دخلت غيرت هدومي وغسلت وشي وصليت وبعدين كلت قعدت شويه مع ماما وبابا في الصاله قدام التلفزيون
وبعدين قولتلهم هخش انام انا بقا لاني هموت من التعب
ماما وبابا: تصبحي علي خير ياحبيبتي.
وبعدين تاني يوم....
التلفون بيرن كتير
انا: الو
امنيه: اصحي ياسمر انا قربت اخلص ونزله وهيجيلك تحت البيت
انا قمت خدت دوش وصليت وفطرت ولبست ونزلت
روحنا الشغل.
كنت مركزه اوي في الشغل عن امبارح لاني فهمت اكتر في الشغل وبعدين دخل عميل عايز يحط فلوسه عندنا في البنك
هو: صباح الخير
انا: اتفضل تحت امرك
هو: محتاج احط ال ٥٠ الف جنيه دول في حسابي هنا في البنك
انا:تحت امرك يافندم الاسم ايه
هو: عمر محمد العدلي
انا تمام يافندم
خلصت كل حاجه للعميل
وبعدين روحت من الشغل زي اي يوم انا وامنيه
انا: امنيه انا هروح انا اشتري حاجات لماما من السوبر ماركت من وسط البلد تجي معايا
امنيه: والله ياسمره مش قادره خالص "وعلي" خطيبي لو اتصل بيا وملقنيش روحت بعد الشغل هينكد
انا:طيب ياحبيبتي روحي انتي وانا هروح اشتري الحاجات وأروح مع السلامه
ركبت تا**ي يوديني وسط البلد روحت السوبر ماركت وبعدين وانا مشيه لقيت محل هدوم حلو وكنت محتاجه كدا طقمين فقولت اخش اتف*ج. ودخلت سألت علي الاسعار دخلت المحل عجبني طقم كدا قولت للبنت ال بتشتغل هناك هقيسه في البروڤا دخلت قسته كان حلو عليا فخدته وطلعت ادفع الفلوس لقيت واحد قاعد علي المكتب فقولتله اتفضل الحساب كام
هو: ياخبر من غير حاجه خالص انتي مش فكراني
انا: مش فاكره اوي بصراحه
هو : انا عمر ال كنت عندكم النهارده ال عطيتك ال ٥٠ الف تحطيهم في حسابي
انا: اه اه اهلا معلش مخدتش بالي والله
هو:انا بتعامل مع البنك دا علطول بس كنت اول مره اشوفك هناك
انا:اه منا لسه جديده
هو: ربنا يوفقك
انا: الطقم بقا بكام
هو :٢٥٠ج
انا: تمام شكرا
روحت بقا البيت زي اي يوم
وبعد مرور شهرين...
كنت في الشغل وجه عمر تاني
هو: صباح الخير اوعي تكوني مش فكراني
انا: ياخبر لا المره دي مش ناسيه
هو: انا بقا عايزه احط ال ٢٠ الف دول مع ال٥٠ الف التانين
انا: تحت امرك وخلصت كل حاجه
وطلعت من الشغل كان اليوم ده امنيه كانت غايبه من الشغل علشان كانت سخنه وتعبانه فروحت لوحدي
لقيت عمر واقف بيقولي لو سمحتي
انا: نعم
هو: معلش علي ازعاجك
انا: لا ولا إزعاج ولا حاجه
هو: ممكن لو سمحتي رقم باباكي
انا: ليه
هو: بصراحه كنت عايز اكلم في موضوع مع بابا بس كدا
وكان مرتبك اوي وهو بيكلم ففهمت أنه يمكن يعرفه او عايز منه حاجه في شغل بابا في المصنع بتاع بابا
انا: اتفضل رقم بابا بعد اذنك
روحت البيت وحكيت لماما
ماما: قالتلي يمكن هيتقدملك ياسمر ياه ده يوم السعد والهنا كله أما اشوف بنتي في الكوشه كدا وتجوز وتجيب نونو قمر كدا زيك ياسموره
انا: يمكن ياماما الله اعلم
دخلت علشان انام فضلت افكر كتير بصراحه هو كان شيك وحلو وباين عليه محترم اوي حسيت أن معجبه بشكله وشياكته واحترامه
تاني يوم الصبح كان اجازه من الشغل.
قومت صليت وحضرت الفطار مع ماما وفطرنا.
وبعدين العصر لقيت بابا يينديلي
بابا: سمر ياسمر
انا:نعم يابابا
بابا: في واحد كلمني وعايز يتقدملك بيقول انه شافك في الشغل اسمه عمر يابنتي
فأنا اتحرجت ووشي احمر
بابا: هو جاي يوم الجمعه الجايه
انا: مستغربه اوي أصله كان فعلا عايز رقمك مني فكنت بحسبه عايز حاجه في شغلك
بابا: لا يابنتي هو جاي يتقدملك
انا: ال تشوفه يابابا
بعد مرور أسبوع....
ومع اشراقه شمس جديده يوم الجمعه جه
ماما: اصحي ياسمر يلا علشان نروق البيت وبابا نزل يجيب الجاتوه
انا: قومت وعملت روتيني بتاع كل يوم وروقت البيت انا وماما
ولبست وجهزت وحطيت يدوب روچ خفيف كدا
ماما: الباب بيخبط ياسعيد افتح الايكون العريس
بابا: حاضر
عمر: السلام عليكو ازاي حضرتك ياعمي
بابا: الحمدلله اتفضل يا ابني
وكانت مامته معه وبعدين قاعدو شويه
وبعدين ماما ندتلي وطلعت والجاتوه في أيدي والحاجه الساقعه
انا: ازيك يا طنط
مامت عمر : اهلا ياحبيبتي اي الجمال ده كله
انا: شكرا ياطنط تسلمي
بابا: عمر يابنتي عنده شقته جهزه والعفش وكله جاهز وولد محترم وعنده محلين لبس كبار وسط البلد
انا كنت محروجه اوي وقولتله ال تشوفوه يابابا وبعدين
وبعدين بابا شافه كويس اوي وكان سأل عليه قبل ميجي يتقدم لما اقاله انا عايز اتقدم لبنتك في التلفون بابا لقه محترم والناس كلها بتشكر فيه وبعدين اتفقوا أن الخطوبه بعد اسبوعين
بعد مرور أسبوعين..
عزمت امنيه وصحابي القريبين مني واهلي ولبست وحطيت الميكب وكنت فرحانه اوي ولبسنا الدبل وكان يوم جميل اوي .
وانا وعمر بدأنا نخرج مع بعض ويجلي البيت ونكلم في التلفون وبعدين بعد مرور أربع شهور..
بابا : انتي جهزه يابنتي ومش نقصك حاجه وعمر كمان جاهز انا هكلم عمر ونتفق علي معاد الفرح
انا: كنت فرحانه اوي اني اخيرا هجوز وهيبقا ليا شقه وحياه خاصه بيا وهبقا اخيرا مع عمر الحبيته اوي
وبعدين عمر جه واتفقنا علي معاد الفرح واتجوزنا
وقضينا سنتين من اجمل السنين ال عشتها في حياتي وخلفت بنت زي القمر سمتها ""سيلا ""
كانت كل حاجه حلوه وماشيه حلوه لحد مافي يوم تلفون عمر كان بيرن واحنا بناكل
انا:رد ياعمر الا يكون حد من شغلك
عمر: لا لا رقم غريب المهم وكلي سيلا علشان تلحقي تروحي تزوري مامتك
انا: حاضر ياحبيبي
كلنا ولبست سيلا ولبست وروحنا لماما قضينا اليوم عندها واتصلت بعمر يجي ياخدنا
عمر: معلش ياحبيبتي خلي باباكي يوصلك علشان ورايه حاجات كتيره في الشغل
وبعدين بابا وصلني وروحنا البيت انا وسيلا والساعه جات واحده بليل وعمر لسه مجاش وارن عليه التلفون مقفول كنت قلقانه اوي عليه وانا رايحه جايه في الشقه من كتر خوفي وقلقي. لقيت الباب بيتفتح
انا: عمر كنت فين كنت هموت من القلق
عمر:كان ورايا حاجات كتيره الشغل
انا : بعد كدا متقفلش تلفونك كنت خايفه اوي وبعدين حضنته قالي يلا ياحبيبتي خشي نامي علشان شغلك
كانت أول مره احس فيها أن عمر فيه حاجه غريبه ومتغيير بس قولت في عقلي بطلي هبل ياسمر هو تعبان دخلت نمت علشان الشغل
وفضل كل يوم تلفونه يرن وهو ميردش طول مأنا معه وانا ابص واسكت وبصراحه بدأت اشك فيه بس بقيت اكدب نفسي.
وبدأ كل يوم تصرفاته تتغير عن الاول وانشغل جدا عني انا وسيلا وبقا بيرجع البيت متأخر كل يوم واسأله يقولي الشغل
وفي يوم من الايام وبعد مرور اشهر كتيره روحت من الشغل بدري لاني كنت تعبانه اوي وطبعا اول مره اروح بدري لأن شغلي بيطلعني الساعه٥ بس دوخت اوي في الشغل وكنت حسه اني هيغمي عليا روحت الساعه ٣ وسيلا كانت مع ماما لاني بسبهالها لحد ما اطلع من الشغل مقدرتش اروح اخد سيلا قولت عمر يبقا يروح ياخدها.
طلعت شقتي وفتحت الباب لقيت عمر وواحده قاعده معه ولابسه لبس بيتي وبيهزروا مع بعض وفعلا أغمي عليا وقتها من كتر التعب والصدمه ال كنت فيها
فوقت وهو بيفوقني وانا علي السرير فضلت اعيط اول ماشوفته.
انا: اي دا اي القرف ال شوفته ده
هو: سمر متفهمنيش غلط
انا: امال عايزني بعد ال شوفته ده افهمك صح . وقولتله وانا بزعق مين دي بصوت عالي
هو: سمر اهدي بس
انا: بقولك مين دي
هو: مراتي ياسمر
انا: مراتك مراتك ازاي وانا بترعش وبعيط
هو: مراتي ياسمر زي منتي مراتي مش معني اني اجوزتها يبقا مش بحبك وجاي يحضني
انا: ابعد عني ابعد عني بقولك وانا مقهوره والحرقه جوا قلبي
لقيت الجرس بيرن طبعا ماما وبابا قلقوا لما محدش جه خد سيلا ولا اتصل بيهم وهما بيرنوا علي تلفوني انا وعمر ومش بنرد فجم علشان يجبوها. عمر فتح الباب
بابا وماما: اي ياعمر مالكم سمر فين مجتوش خدتو سيلا ليه ومش بترودوا علي التلفون ليه. ماما شفتني وانا طالعه من الأوضه بعيط
ماما: اي يابنتي مالك في اي مالك ياسمر وانا اترميت في حضن ماما وانا ببكي من العياط
ماما وبابا: مالها ياعمر في ايه
عمر:بصراحه ياعمي انا مجوز من شهرين وسمر عرفت بس انا بحب سمر والله
ماما وبابا كانوا مصدومين ومقهورين علي منظري بس مش عارفين يقولوا اي لانه ده شرع ربنا بس بابا اتعصب جدا وماما بدأت تسكته.
انا: عايزه اطلق
عمر: ايه انا بحبك ياسمر تطلقي ازاي حتي عشان خاطر سيلا
انا: لو كنت عامل حساب لسيلا مكنتش عملت كدا طلقني بقولك
ماما: تعالي معايا الاوضه
خدتني الاوضه لوحدنا
ماما: عارفه أنه صعب ياحبيبتي علي اي واحده بس انتي عندك بنت متظلميش بنتك في النص
انا : افهموني عايزه اطلق مش هقدر اعيش ثانيه واحده معهه
وبعد شويه
لميت هدومي وروحت انا وسيلا عند ماما تاني يوم عمر جه يتحايل علي ماما أنهم يخلوني اوافق ارجع وكل يوم كان يجي بس انا كرامتي مسمحتليش اقعد ثانيه واحده مع الشخص ال حبيته اوي وجرحني
بعد مرور ٢٠ يوم ..
عمتي من بني سويف جات تزورنا وعرفت حكايتي
عمتي : اي ياسمر ال هتعمليه ده معندناش بنات بتطلق مجتمعنا ميسمحش بكدا اعقلي
انا: ومجتمعنا مقلش أننا نزل نفسنا لحد انا هطلق وهواجه المجتمع ياعمتي وانا ولا بعمل حاجه عيب ولا حرام .عمتي اتخنقت مع بابا وقالتله اي الهبل ال بنتك بتعمله ده
بابا: ال يريحها تعمله مدام في مصلحتها ورحتها
عمتي زعلت ومشيت
وبعد مروره شهر...
عمر طلقني واطلقت فعلا.
وفضلت عايشه مع بابا وماما مش هقدر اقول اني نسيته بس عمري مهرجعله لانه خاني خان حبي ليه وعشرتنا مع بعض
بس انا مبسوطه دلوقت كمان في حياتي وسيلا دلوقتي في الحضانه وبقت هي حياتي وماما وبابا العوض من الدنيا بتاعتي
بشتغل وبنتفسح وبنعمل كل حاجه ومنستش نفسي في كل ده انا لسه مهتميه بشكلي وبجسمي و جيراني وصحابى في الشغل متقبلني وانا مطلقه واكيد في ناس كتير بتبصلي بنظره مش حلوه اني أطلقت بس رميت نظرات الناس ورا ضهري. علشان اعرف اكمل واعيش . الطلاق مش عيب ولا حرام مدام في راحه ليكي.
وبخلي سيلا بنتي تشوف عمر كل اسبوع بوديهاله واحنا الاتنين محترمين بعض وبالع** مبقتش حسه اني قلبي شايل منه احنا كل ال بينا دلوقت سيلا وبس ولازم نحافظ علي مشاعر سيلا ونكون طرفين متفاهمين مع بعض بعد الطلاق علشان منظلمش سيلا
والحياه لسه قدامي اكيد هقابل شخص وحب جديد وعوض جديد وحياه ولسه الفرص كتير المهم الامل .... اصل مش هقول استحمل علشان العيال أو بنتي والكلام ال الكل بيقوله ده لا انا كرامتي انجرحت وقلبي انجرح وخان ثقتي فيه وخان كل لحظه حلوه عشنها مع بعض مهما يقولي بحبك دلوقت خلاص قلبه مبقاش ليا لوحدي وانا مقدرش حد يشاركني في حاجه بحبها وبنتي هتاخد كل حقوقها في احترام وبرضا الطرفين . والمطلقه حياتها مش بتنتهي بعد الحياه لا دي بتبتدي حتي لو انتي مش بتشتغلي ابدأي دوري علي شغل واهتمي بحياتك اكتر من الاول ومحدش يقول اتعقدت من الرجاله الرجاله كلهم مش زي بعض وفيه فرص احسن باذن الله طول مثقتنا في ربنا ومتخفوش من المجتمع الطلاق مش عيب ولا حرام. وابتدوا حياه جديده والحب بيجي مره واتنين وتالته لحد منلاقي الشخص الصح والإختيار الصح لسه في حياه جايه وامل جديد
Rana Ebrahim ❤️
انتظروا الجزء التاني من حكايه سمر
- Writer
