سلسه من حكايه سمر

سلسله حكايات سمر الجزء الثاني

مع بدايه ايام جديده في حياتي بدأت اهتم بشغلي زي الاول بعد مرور سنه من طلقي من عمر....

ومع بدايه يوم جديد في السنه.

المنبه رن علشان اصحي وأروح الشغل.

انا: صباح الخير ياماما صباح الخير يابابا

ماما وبابا: صباح الخير يااجمل حاجه في حياتنا

انا: ماما انا حضرت الفطار يلا علشان نفطر كلنا

يلا ياسيلا علشان تفطري ياحبيبتي . وبعد كدا فطرنا وصلينا انا وسيلا. ولبستها علشان اخدها في سكتي وانا رايحه الشغل علشان تروح الحضانه ونزلنا انا وسيلا وروحت انا علي البنك

كان ورايا شغل كتير اوي اليوم ده ولازم اودي سيلا تشوف عمر النهارده بعد الشغل

خلصت الشغل وكان بابا خد سيلا من الحضانه وروحت البيت وحضرت الغدا لينا كلنا وقومت ملبسه سيلا علشان ننزل نروح نشوف باباها وكان عايز يفسحها روحت انا وسيلا قبالنا عمر .

عمر: سيلا حبيبت بابي وحشتني اوي

سيلا: وانت كمان اوي يابابي

عمر: ازيك ياسمر اخبارك ايه

انا:انا الحمدلله وانت اخبارك ايه

عمر: ماشي الحال الحمدلله

قعدنا شويه في الكافيه وبعدها هنروح البارك علشان يفسح سيلا واحنا قاعدين مرات عمر رنت عليه علشان تطمن عليه

انا مكنتش زعلانه خالص لان نسيت الموضوع وحبيت نفسي وبنتي وشغلي واهلي بس. ولسه عندي ثقه في ربنا أنه هيعوضني باذن الله. والموقف عدي وروحنا البارك فساحنا سيلا وجبلها هدايا وروحت انا وسيلا ونمنا

والصبح جه تاني يوم . كانت الدنيا بتمطر اوي

انا:ماما خلي سيلا هنا النهارده بلاش تروح الحضانه الجو برد اوي عليها لو طلعت في الجو ده هتاخد برد

ماما: ماشي ياحبيبتي روحي انتي خلي بالك من نفسك

روحت الشغل وفي اليوم ده المدير كان متعصب اوي وطلب مني شغل كتير اوي وقالي محدش هيعرف يعمله غيرك ياسمر فأنا قولتله هعمل كل جهدي علشان اعمل الشغل ال حضرتك طلبته مني. ومع ان كان في حاجات كتيره في الشغل متعطله بس انا اتحديت نفسي وفعلا نجحت في شغلي واترقيت في الشغل وكنت مبسوطه اوي وروحت قولت لماما ولبابا وفرحوا بيا اوي

انا:بالمناسبه دي بقا هعزمكم نطلع نتعشي برا وطلعنا اتعشنا برا

وسيلا كانت مبسوطه اوي بنجاحي

وفجاءه لقيت عمر بيتصل بيا

عمر : الو ازيك ياسمر

انا: الحمدلله ياعمر

عمر: سيلا فين وحشتني اوي عايز اكلمها

انا: ثواني ياعمر

وندهت علي سيلا تكلم عمر

سيلا: الو يابابي وحشتني

عمر: وانتي كمان اوي ياحبيبتي انتي فين

سيلا: بنتعشي برا انا ومامي وجدو تيته علشان مامي نجحت في الشغل يابابي

عمر: واو يبختك ياسيلا ياقمر هجيلي امتي

سيلا: يوم الجمعه يابابي علشان اجازه مامي

عمر: اوك ياحبيبتي see you

عمر: اديني ماما ياحبيبتي

سيلا ادتني التلفون

عمر: الف مبروك ياسمر نجحتي في شغل ايه

انا: الله يبارك فيك ياعمر . كان المدير عطني شويه شغل صعبين شويه والحمدلله عملتهم واتريقت

عمر: مبروك كمان مره. هتجبي سيلا قريب

انا: اه ياعمر الجمعه ان شاء الله

عمر تمام ماشي مع السلامه

وروحنا وكان اليوم جميل جدا وروحنا كلنا نمنا بعد مقضينا يوم حلو اوي

وبعد مرور أسبوع.......

مدير الشغل قالي في واحد من شركه كبيره اوي عايز يقبلك

‏انا: مين ده يافندم

‏المدير: ياسمر استني وانتي هتعرفي هينقلك نقله كبيره اوي في شغلك

فوفقت اقبله فعلا في البنك مع المدير.

‏الباب خبط فعلا ودخل واحد

‏المدير : اتفضل حضرتك . تشرب ايه

‏الشخص ده: قهوه لو سمحت

‏المدير: دي سمر ال خلصتلك شغلك دي من أهم الموظفين عندي علشان كدا انا اخترت أنها تخلصلك شغلك لأنها مركزه جدا في شغلها

‏المدير: ده استاذ هاني ابو الفتح صاحب اكبر شركه مقولات في البلد

‏انا: اهلا يافندم

‏هاني : اذيك يااستاذه سمر ليا الشرف اني اتعرف علي واحده مجتهده زيك

‏انا:' شكرا جدا يافندم

‏هاني: انا حبب تبقي انتي المحاسبه عندي في الشركه وهد*كي فوق المرتب ال بتاخديه من البنك اي رايك

‏انا: بس انا مقدرش اسيب البنك انا بقالي فيه كذا سنه

‏هاني:فكري يااستاذه سمر انا مش هلاقي أكفأ منك

‏انا: تمام هفكر بعد اذن حضرتكم

‏وطلعت من المكتب . وفضلت افكر بس لسه مش عارفه اخد قرار

‏وبعد مرور أسبوع....

‏لقيت جرس بابا الشقه بيرن ففتحت الباب ولقيت بوكيه ورد علي الأرض خدته ولقيت عليه اسم هاني ابو الفتح

‏خدت البوكيه وقفلت الباب . وقعدت افكر كتير مع نفسي فيه حسه اني حسيت بأنجذاب من نحيته اوي. وقولت لنفسي اي دا هو انتي معجبه فضلت افكر فيه طول الوقت .

وبعد شويه في نفس اليوم لقيت رساله من رقم غريب. بيقولي عجبك الورد بصراحه كنت م**وفه وفي نفس الوقت مبسوطه من جوايا

قولتله انت استاذ هاني قالي اه انا هاني

ها بقا الورد عجبك قولتله جدا شكرا علي الورد

وبدانا نتعرف علي بعض .....

‏ومرت الايام ...

‏ولقيته جاي الشغل عندنا في البنك ازيك يا استاذه سمر

انا: الحمدلله وانت اخبارك ايه

هاني: الحمدلله

وكانت نظراته ليا كأنه عايز يقول حاجه والمهم قالي

ها فكرتي ؟؟

‏انا: بصراحه لسه

‏هاني: خدي وقتك

انا هكلمك تاني وأشوفك فكرتي ولا لا

‏انا: تمام يا استاذ هاني

‏وبعدين روحت البيت وكنت تعبانه اوي ونيمت سيلا وفضلت سهرانه فتحه نت شويه لقيته بعتلي رساله بيقولي ممكن ارن عليكي قولتله كنت مترددة في الاول وبعدين قولتله اه ممكن وبعدين لقيت التلفون بيرن

‏انا: الو

‏هاني: ازيك

‏انا: الحمدلله وانت

هاني : كويس جدا ومبسوط اني كلمتك

انا: شكرا جدا علي زوقك

‏هاني: لا لا يا استاذه سمر مافيش شكر وبلاش كلمه شكرا دي

انا:ليه

هاني: يعني مش حبب كلمه الشكر دايما تبقي مبينا

انا: ضحكت وقولتله حاضر

هاني: استاذه سمر ممكن اقولك حاجه

انا: اتفضل

هاني: في الحقيقه انتي جميله اوي ومجتهده

انا: شكرا جدا مش عارفه اقولك ايه بصراحه وضحكت بس شكرا بجد علي زوقك لمره تانيه

هاني: ها مش قولتلك بلاش شكرا دي

انا: حاضر

هاني: علي فكرا الشغل هيجعبك اوي ومتنسيش كمان أن مرتب الشغل حلو اوي واعلي من شغلك في البنك ويعني كمان هتروحي بدري عن البنك يعني فيه مميزات كتير اوي بالنسبالك

‏هاني: ها بقا موافقه علي انك تشتغلي معايا في الشركه ولا لا

‏انا:...............

انتظروا رد سمر في الجزء التالت

‏انتظروا الجزء الثالث من سلسله ...

‏

‏حكايات سمر

Rana Ebrahim ❤️

‏