Mabilis na nag-isip ng paraan si Millie kung paano kaagad matutuyo ang kanyang damit dahil isang oras na lang ay magsisimula na ang programa.
"Issa, tara na. Subukan ko na lang patuyuin itong damit sa hand dryer sa restroom." aya niya sa kaibigan.
"Ay, ang witty mo diyan. Kaso matutuyo kaya iyan kaagad?" nag-aalalang tanong nito dahil medyo makapal ang tela ng kanyang dami.
"Hindi natin malalaman kung hindi ko susubukan. Tara na," positibong wika niya.
Habang papunta sa restroom ay napansin nila na nagdadatingan na sa venue ang mga kasamahan nila sa trabaho. Kaya naman nagmamadali na sila ni Issa patungo sa restroom. Ngunit bago pa makapasok sa restroom ay tumunog ang kanyang cellphone.
Pinauna na niya si Issa sa loob upang sagutin muna ang tawag.
"Hello, Joaquin?" mahinang sambit ni
