NANG SUMUNOD NA mga araw ay nagpatuloy ang paglutang ni Victoria sa alapaap ng kaligayahan. Kahit na abala sa kani-kaniyang trabaho ay nagagawa pa rin nilang bigyan ng maraming panahon ang isa’t isa. Madalas silang magpalitan ng text messages. Sa gabi ay halos dalawang oras kung mag-usap sila sa telepono kahit pa nagkita sila nang araw na iyon. Naulit ang pagbisita ni Victoria sa opisina ni Roberto at patuloy ang pagdaloy ng magagandang ideya para sa kanyang isinusulat na nobela.
Roberto had been so supportive of VA Sinclair. Hindi naging sapat na binili nito ang lahat ng kanyang libro at binasa. Hindi lang isang kopya ang binili nito, binigyan nito ng kopya ng mga libro niya ang lahat ng staff nito. He set up a website for her. He took over her social media accounts. Noong una ay hindi s
