Buong maghapon na wala sa kanyang sarili si Rick, kung kayat mainit ang kanyang ulo sa konting pagkakamali ng kanyang mga tauhan. Binabagabag siya ng alalahaning kinakaharap. Naiipit siya sa magkapatid.
Hindi man magkadugo, lumaking magkasama si Keila at Alex nang pakasalan ng ama ni Alex ang ina ni Keila. Naging saksi siya sa paglaki ng mga ito dahil naging kasosyo ng kanyang mga magulang ang ama ni Alex.
Kilala na niya si Alex noon pa dahil malimit itong dalhin ng ama nito sa bahay nila kapag may kailangang dokumento galing sa mga magulang niya. Parang kapatid ang turing niya kay Alex, isang taon lamang ang tanda niya rito. Tinuring niyang prinsesa ito, kaya hindi lingid sa kanya ang pagkakagusto nito sa kanya. Hinayaan lamang niya ito dahil bata pa si Alex, alam niyang magbabago ang
