البارت الثالث

1536 Words

البارت الثالث مرارة الخيانة السلام عليكم احبتي اسعد الله اوقاتكم اختكم الكاتبه حواء البغداديه. ??? جنة بعد ماخاله سمعت كلام المديرةحسيت فتخرت بيه بس ابد ما كالتلي او علقت على الي سويته من رجعت للبيت وسألتها اسيل كالتلها يوم شنو سويتي شفت خالتي ماردت على اسيل بس صاحت عليه وكالت جنه تعالي يمي جنة اتقدمت لخاله واني اكو خوفه بكلبي لان كنت اشوف ملامح خاله توحي الانزعاج انصاف شوفي يا جنة اني ما انكر كلام المديرة ومدحها الج هذا الشي فرحني بس بنفس الوقت اني زعلانه عليج وخاطري شايل منج جنة خاله فدوة لاتزعلين عليه انصاف بعصبيه شلون ما ازعل عليج وانتي مخليتني اخر من يعلم معقوله ما اهمج هيج من راسج تتصرفين جنة فدوة خاله لاتضوجين ولاتكبرينها والله اني قصدي اخدم مدرستي ولو ادري بيه شي موزين ماتصرف بدون علمج وانت موتكوليلي الزين التسوينه يوصل امي وابويه انصاف وهيه متعجبه من ردها وكالت ولج جنه ماعرف شصرف وياج لزمتني من كتفي وكالت شوفي يوم حتى اذا العمل خير لازم تكوليلي مو تخليني اخر من يعلم جنة شفت خاله تحجي باريحيه وتاثرت بكلامي من كتله اريد هذا العمل ثوابه لامي وابويه حسيت بنضرة رضا كتلها خاله عهد عليه ابد ماراح اضم عليج شي توبه انصاف عفيه بالسباعيه اني شريد غير اطمأن عليج ياحبيبتي الدنيا هوايه بيه مطبات وطويله فلازم تباصريني شبكتها حيل وكتلها خاله سامحيني بعد ماسويها وهاي اخر مرة اي شي يصير اكلج اسيل انشوف بالله وين توصل ويه جناوي انصاف حبيبتي مادام انتي ومخلد بخير اني بخير اسيل وهيه تمثل دور الغيرانه كالت واحنه ماكو احد يتمنالنه الخيررر انصاف حبايب كلبي كلكم انتم تهمومني بس انتم تعرفون الصح من الخطأ بس جناوي عدها طيبه زايدة وخاف عليه عدت ايام وسمعت ابو صباح يبسبس ويه خاله وهو يعتذر منها ويكول ابني حالف عليه يكولي لوترجع الفلوس لومااوصل للمدرسه بعد وخاله تحاول تقنعه ياخذ الفلوس وهيه تبسطله الامور بان انت تهمنه ولكونك ندري بيك انسان خير وردنه نساعدك لا اكثر ابو صباح وهو يشكر منها وفشلان ويكولها لاتوصلين الحجايه لبو عمار اخر شي قنع خاله ونطاها الفلوس بعد ما اخذ وعد منها متزعل عليه جنة اشكد كبر بعيني صباح بهذا موقفه بس بنفس الوقت بقت دك براسي كلمته لمن كلي لو اخذ من الناس كولها منكم انتم بلذات ما اخذ عدت الايام ويوم من الايام مرت عليه صديقتي سرى وكالت مسوين ثواب لبيبيتها لان كان عيد الاضحى وذابحين بقرة وموزعين لناس كلها وابوها عازم اصدقائه ومعارفه وكلتلي تعالي ويانه على الواهس الصراحه كيفت وخذت اذن من خاله ورحت وياها وصلنه البيت ولكيت الطباخ ديطبخ بلكراج وكدورة كومه دخلنه للبيت شفت امها وخواتها كلمن ملتهيه بشغله يسوونها بيناتهم سلمت عليهم كلهم ورحبو بيه وبدو يسالون عليه وعلى مخلد وعلى وضعنه وعلى خاله وعائلتها اني سالت خاله ام سرى وكتلها خاله بيبتكم شكد صارلها من ميته كالت اكثر من ١٥ سنه تفاجاة حسبت بيني وبين نفسي وقارنتها بوفاة ماما وبابا طلعت قبلهم ماعرف شي بداخلي انعصر وضجت وكلت لعد احنه ليش منسوي ثواب لامي وابويه سالت خاله كتلها شنو فضل الثواب الي سونه بلنسبه للميت بدت ام سرى تشرحلي فضل الثواب وشون من تنجمع الناس وتقرة الفاتحه للميت اشون نور ورحمه تنزل عليه ومثل الي بضلمه ويجي نور واكو ملك صالح يبشر الميت ويكوله اجتك هديه من فلان والميت يفرح ويكوم يدعي للي ذكرة وخصوصا اذا يكونون ابنائه حيل تأثرت بكلام ام سرى وبنفس الوقت ضجت وحتى ماتغديت لان شفت نفسي بخانت التقصير بنسبه لامي وابويه رجعت للبيت واني ضايجه وفكرة براسي اريد اسويها بس ماعرف اشون ابديها دخلت لكيت خاله خالتها صينية تمن عنبر وتلكط بيها سلمت ورفعت راسها عليه بستغراب انصاف وهيه تباوع بوجه جنة تريد تعرف شبيها خير شكو اشو خلقتج مكلوبه جنة وهيه تكعد كبال خالتها وتحاول تبين نفسه طبيعيه وكالت لا مابيه شي انصاف وهيه مدققه بجنه وتكول يا ما بيج شي اشو طلعتي فرحانه رجعتي وجهج مكلوب وضايجه تعالي كليلي لاتضمين عليه فزيت من مكاني وتجهت لدرج لان اخاف من ادموعي تنزل كتلها مابيه شي انصاف هاي وين رايحه موداحجي وياج التفتت عليها ودموعي انطلق عنانهن وبجيت كتلها خاله ليش امي وابويه محرومين من الثواب برغم ما احنه عدنه خير من الله انصاف بتفأجى كالت من كلج هذا الكلام وليش تكولين هيج جنة تدرين ابو سرى اشكد صارلها ميته امه ١٥ سنه وهو يذكرها واني امي وابويه ماذكر سوينالهم ثواب انصاف وهيه تخطي خطواتها نحو جنه وتسحبها من ايدها وتكعدها اكبالها وكالت لايوم لاتضوجين اولا اني ابد ماناسيتهم والله شاهد عليه نطيتهم افلوس حجه ناس حجتلهم ونطيتهم فلوس مساهمه ترميم جامع ومن ازور اهديلهم ازيارة ومن اصلي اذكرهم وثانيا اذا تقصدين انتم عدكم فلوس صحيح عدكم بس مالي حق بيهن اني اخذ فلوسكم وتدرين عدكم حساب بالبنك انتي ومخلد وودعهن لحد متكبرون جنة صحيح بس اني الي اقصدة لازم نسوي ثواب لاماما وبابا كل سنه دخل علينه عمو وهو لازم ماعون فواكه بيده وكال ها جنو المن الثواب انصاف وهيه تلتفت على زوجها وكالت جنه ضايجه وتريد تسووي ثواب لهلها ابو عمار بستغراب كال هااا ؟ باباتي خير انشاء الله مابيها شي سمعت نزلت هديل من الدرج وهيه تكول شنو راح نعزم انصاف اكول ابو عمار شوفنه صديقك ابوعلي الكصاب خلي يجيبنه خروف ونذ*حه بثوابهم جنة بفرح كالت لا ماريد خروف اريد بقرة ضحكت هديل بصوت عالي وكالت جناوي ميلزم راسها خروف تريد هايشه مثلها ابو عمار هديل هذا التشبيه ما اقبل بي جناوي ورده ومفتحه ليش تغارون منها جنه بيومها طرت من الفرحه وفعلا راح خالو للكصاب الي براس شارعنه وتفق وياه يذ*حنه بقره وثاني يوم من الصبح الساعه ٦ جاب الكصاب الذبيحه وذ*حها بلكراج واني ما نمت بوقتها اسعد انسانه وعبالك امي وبويه يشوفوني بهذا عملي على كلأ وزعناها على الجوارين ومعارفنه وخصوصا اكو ناس وصفوهم النه فقراء ورحت اني وخالو بسياره ونوزعلهم كل بيت ٣ كيلو حسيت بنفسي مسويه انجاز كلش كبير بحق بابا وماما اما مخلد ابد كان ميهتم لهيج امور اصلا ولاباله ع**ي تماما مرت الايام واجه موعد عمو ورجوعه من هولندا وهو ناوي ياخذنه وياه بيومها خاله كول ساعه مرتفع ضغطها وتبجي واخر شي بقت تتوسل بيه بعد ما ايست من مخلد لان شافته مقتنع بفكرت السفر وقنعها بان هو يريد يشووف مستقبله كالت جنة مخلد رجال ويكدر يعيش بس انتي ربيتي عندي والي حق عليج اكولج لاتسافرين اني كتلها خاله مااسافر لخاطرج بس اخويه اشون اكدر افاركه قنعتني خاله وكالت مادام انتي باقيه اهنا يجي يوم ويرجع بس اذا رحتو اثنينكم معناها بعد ميرجع وفعلا اجه اليوم الي شائت الاقدار وتفرقنه اني واخويه كل مرارة اكدر اعبر بيه بس مرارة سفر مخلد ماكدر اعبر بيه عن اسا وحزن الي بداخلي صرت اني والميت سوة الدمعه ممفاركة عيني والضحكه اتلاشت والحزن غاطي ملامح وجهي اشكد يحاولون يطلعوني من الي اني بي مكدرو انصاف والله محتارة بجناوي شسويلها وتنسه اوتعيش حياتها مثل بقية خلق الله ابو عمار هاي البنيه حساسه وحنينه حيل فمو بساهل عليها تنسه بسرعه انصاف مخلد لو كلبه على جنه مثل ماهيه كلبها عليه ماسافر ابو عمار اولا هو كلب زلمه وثانيا مستقبله مهم ليش احنه انلومه خلي يشوف حياته منريد نوكف بوجه مستقبله انصاف والله يابو عمار ماعرف شكولك بس الحركة لبكلبي اكبر من حركة جنة بس ماكدر اسوي شي جنة نجحت من الثالث وصلت مرحلة الرابع اعداي فديوم رجعت للبيت الساعه ١٢ ضهر كانت العداديه كولش قريبه علينه براس شارعنه فاني وسرى نروح ونجي سويه يوميه وصلت للبيت لكيت عمو ابو صباح بلحديقه يقلم بلاشجار لان يجي مرتين بلاسبوع جنة هلو عمو شونك ابو صباح بلهفه وبسمه هله بجنة ست البنات شونج عمو جنة الحمد لله انت شونك اخبارك العائله شلونه ابو صباح كنه زينين مادام انتم زينين احنه بخير اكول عمو صباح شنو اخبارة ابو صباح ليش انتي متدرين جنة متفاجئة شكو شنو صار ابو صباح بفرحة وبفخر غير صباح انقبل بكلية طيران يعني ابني راح يصير طيار جنة بفرحة الله عليك صدوك تحجي عمو ابو صباح اي والله طلع معدل ٩٤ وجان قبوله يكدر يصير طبيب اسنان او مختبر بس هو ماقبل قدم على الطيران ونقبل جنة بوقتها كلش فرحتله من كل كلبي لان عمو ابو صباح تعبان عليه وصباح يستاهل وكان جدي بقرايته ومثابرته اخر شي بقينه هوايه نسولف كتله عمو خاله تدري بيك انت اهنا كال اي وهسه هيه راحت لسوك فد شويه وتجي دخلت جوة للبيت مالكيت احد بي ذبيت جنطتي بلهول ورحت اكو سوبر ماركة بشارعنه جبت علبة بتي فور وعلبه جكليت ونطيتها لعمو كتله هذي هدية نجح صباح هو ييستاهل هديه اكبر بس اني ماريد اجيبله هديه ثمينه لان يتحسس من يمنه ماعرف ليش ابو صباح لابنيتي اولا النبي قبل الهديه وثانيا اذا تقصدين موقف الفلوس لاتزعلين عليه ترى صباح عنده عزة نفس من خواله مياخذ منهم لاعبالج بس عليكم وثالثا والله والله انتم الكم معزة خاصه بكلبه يحبكم حيل ويحترمكم وخصوصا انتي جنة اي صدوك عمو اني هم احبه والله واعتبرة واحد من ولد خالتي بقينه نسولف سمعت الباب انفتح التفتت شفت خاله دخلت والعلاليك بيدها ركضت عليها اشيلهن من ايدها اساعدها اتقربت لبو صباح وكالتله ها لازم جنه دوختك بسوالفها ابو صباح جنه لو ابقة اسولف وياها لصبح مامل من كعدتها وسوالفها ضحكة خاله وكلتله هيه هم تحب سوالفك ابو صباح كال تدرين يا ام عمار جنه سابقه عمرها لي بعمرها مايفكرون مثل تفكيرها جنة بقيت بس اضحك ولازمه العلاليك بيدي وهو يمدح بيه واني خجلانه وخاله تسولفله على مواقف هوايه ويايه ويضحكون عليه اخر شي التفتت عليه خاله وكالت بعدج بملابس المدرسه دروحي غيري ملابسج ونزلي بسرعه جنة الساعه ١٢ بليل نايمين وسمع صوت غريب صار وهوسه بلبيت ركضنه اني وهديل انشوف شكو استودعكم بامان الله وحفظه الكاتبه اختكم حواء البغداديه لاتنسون التعليقات والايكات احبكم موت

Free reading for new users

Scan code to download app

App Store Google Play

Facebookexpand_more