البارت الاول

1574 Words

البارت الاول مرارة الخيانه السلام عليكم احبتي يسعدني ويفرحني ان التقي بكم من جديد بقصة جديدة وابطال جدد اتمنى ان تنال رضاكم وارجو منكم حسن المتابعة ملاحظة قصة حقيقية من واقع المجتمع العراقي اختكم الكاتبة حواء حواء البغداديه. ??? عذبنه الزمن بين المحطات ولكينه الدمع واكف ينتظرنه بعدنه صغار وكبرنه من الهموم وحزن بحزن جبناها وكبرنه لا بينا صبرلا نحمل هموم وعلى عمر المضى شينفع صبرنه لا يا زمن ارحم دمعة العين وشوّفنه الفرح بآخر عمرنه شوّفنه النحبهم ولو لحظات حتى بشوفهم يفرح عمرنه????? جنة احب اعرف عن نفسي جنة محمود علي من سكنة حي الجهاد العمر ٣٠ سنه خريجة ادارة واقتصاد جامعة المستنصرية الطول ١٦٩ الوزن ٧٠ بيضاء البشرة وشعر اسود عيون عسلي عندي اخ واحد الاب..متوفي من عمري ٢ سنة سبب وفاته كان يراجع احدى دوائر بغداد عندة معامله وكان بوحدة من الغرف الي بيها سرة كانت مبردة موجوده ولسوء حظ بابا وكف يم المبردة ونتلته ومات اما سبب وفاة ماما كان حادث سير بعد ماكانت رايحه لبيت خالتي اندعمت بسيارة وماتت طبعا من ماتت ماما عمري كان ٦ سنوات واخويه مخلد كان عمرة تقريب ٩ سنوات كان بصف الرابع ابتدائي احب اذكر عائلة خاله انصاف ابو عمار الي هو زوج خاله انصاف العمر ٥٥ ٠ سنه عسكري برتبة مقدم يداوم بلبصرة عمار الابن الاكبر خريج هندسة معماريه ويشتغل بمكتب مع صديق ابوه اثير اخر سنة اله بكلية بغداد طبيب مختبر اسيل من الاوائل على دفعتها ونقبلت معيدة بكلية بغداد اداب عربي هديل اخر سنة الها سادس علمي اقرب وحدة اليه هيه هديل كانت علاقتي بيها جدا قويه وكنت اشوفها اختي لكبيرة الي الله معوضني بيها اما اسيل كانت منطويه بعض الشي عمار كان بلبيت مثل النسمه هادء وطيب وباله واسع وكلبه ياخذ من الحبايب الف اما اثير لا كان حيل متعب خاله بتصرفاته الصبيانيه انصاف . مخبوصه بلمطبخ وجاي تجهز الاكل لان اليوم زوجها راح ينزل مجاز صاحت اسيل وهيه واكفه بعتبة الدرج وتكول بسرعه يوم حيجي بابا انزلو انتي وهديل تعالو ساعدوني بلمطبخ اسيل وهيه تنزل الدرج وتلف ب*عرها كالت جيت يوم جيت انصاف اكول يوم لعد هديل لويش منزلت وياج اسيل جاي تشرح لجنة مادة مفاهمتها انصاف مادام تقري بجنه عوفيهم اسيل اكول يوم صدوك بابا حيداوم بغداد انصاف اي يوم انشاءلله حينقلوه اسيل يوم ترى الوضع موزين وكولها تحجي بجامعه احتمال الامريكان يسقطون بغداد باي لحظه انصاف والله يوم ربج الستار جنة اكول هديل كافي خلي ننزل يم خاله لان خالو حيجي هديل مابقى شي بس هذا الفصل اقريه وخل ارتاح جنة اكول اني لومو انتي ولا ادبرها بوحدي هديل لاعيني دبريها بس حضرتج انتكلتي عليه وتعالي اكولج كافي رسم نهار كوله بس ترسمين بدل مترسمين ركزي بدروسج جنة تدرين دزت عليه المديرة وكالتلي راح اجهزلج الجدران مال مدرسه اني و٣ بنات ويايه ونرسمهم هديل يعني اشلون جنة يعني نرسم عليهن الي يعجبنة منضر طبيعي لو شخصيات كارتونيه لو صور من المعركة هديل زين هاي شكد راح تاخذ من وقتكم المديرة تكولي اني اساعدكم بدرجات وساهمو واني الصراحه كيفت هديل وهيه تض*بها براسها بخفه وكالت لج عوبه لعد شون راح تفتهمين الدرس جنة وليش هواني فاهمته هديل والله انتي لو طلابه لو شغله منا منا كان فهمتيها بس دروسج لا جنة اهم شي انجح هديل لج يا نجاح هذا الي بدفعات وكل درجاتج على الحافه جنة اكولج عفيه لتكولين لخاله هديل ولو اني مامقتنعه بس ماكول جنه سمعنه الجرس يدوك راسا فزينه اني وهديل وركض على الدرج دخلنه المطبخ ولكينه خالو زوج خاله انصاف شابك خاله ويبوسها براسها انصاف وهيه تباوع بوجه زوجها وكالت اجيت من وكت عبالي الضهر توصل ابو عمار هههههههههههه لاطلعت من وكت وردت اسويه مفاجأة هديل وهيه تحضن ابوها الله واحلى مفاجأة ابو عمار وهو يبادلها بلاحضان وكال يروحي مشتاقلج اشونج باباتي جنة كنت واكفه على صفحه بلمطبخ ومنتجيه على المجمده واني اشوف ابوها اشون يحضنها وفرحانين بعضهم حسيت اكو نقص بحياتي وصارت عصرة بكلبي دعيت بسري ربي لاتحرمهم من بعضهم صحاني من شرودي صوت خالو وهو فاتح اديه الاثنين ويكولي جنه باباتي ليش متجين شنو مامشتاقتلي جنة ركضت عليه بخطوات سريعه ورتميت بحضنه يمكن كان تصرفي هذا هروب من تفكير اوحنين اوشتياق لحضن يتيم لابوه يمكن كنت محتاجه واحد يعوضني او يسد النقص الي بداخلي رديت عليه وكتله والله مشتاقتلك اهوايه ابو عمار وهو يسحبه من بين احضانه وباوع بوجها وكال جنة حبيبتي انتي انتي بنيتي واني ابوج جنة حسيته حس بيه وحس بلي يدور براسي وهو يحاول يعوضني عن النقص العندي انصاف يالله بنات جهزن السفرة على ما بابا يسبح بسرعه فزت اسيل وكالت اي يوم هديل الله احلى غده يصير من بابا ويانه ياكل جنة كانت خاله انصاف وزوجها احلى ما بحياتهم كان حبهم لبعضهم برغم ما كان فرق العمر بيناتهم كولش جبير بس كان حبهم اكبر واجمل راحت خاله ويه زوجها لغرفتهم وهو محتضنها ويمشي وياها صاحت هديل بصوت عالي على امها وكالت بعد محد بحالنه اجاج ابو الحب احنه بيش كيلو التفتو عليه امه وابوه وهمه يضحكون وكالو لاتصيرين حاسوده ترى نخاف من العيون جنة تدرين ياهديل اتمنه من ازواج واحد يحبني مثل ماعمو يحب خاله هديل بابا وماما ربي خلقهم و**ر القالب اسيل عيني يا ام الحب تلحكين دركزي بدراستج والله كريم جنه فرشنه السفرة وكان موعد رجوع الولد من الدوام اخويه مخلد وعمار واثير كان البيت بوقتها صارله طعم خاص لان عمو كان مثقف بمعنى الكلمه ميحب الصوت العالي ومتفهم وياخذ كل الامور بساطه ابد ميكبر الموضوع كاعدين على الاكل كلنه مجموعين مخلد عمو شنو الاخبار ابو عمار والله يا ابني الاخبار موزينه والوضع حيل متأزم بس شنسوي الله كريم جنة بعد حديث طال بين عمو والولد والعائله وكلمن عنده شغله منتضر عمو يطرحه عليه وعمو يناقشهم بكل حكمه وكل ود اخر شي سمعنه جرس الباب اندك فز اثير من مكانه يفتح الباب وره دقائق دخل علينه وهو يباوع عليه ويبتسم كال خطيبج برة ضحكت العائله عليه وصارو كل واحد ذا**ه حجايه عليه انصاف ها ابو صباح بلباب اثير اي يوم يريد يسووي الحديقه ابو عمار ليش هو شكد صارله مجاي جنة عمو صارله بلعشرين يوم مجاي اسيل لو اعرف جنة شسولف وياه جان ارتاحيت انصاف هاي شبيكم جنه احسن منكم كلكم جنه اجتماعيه وتحب سوالف الرياجيل الكبار هو يكعد يسولفلها سوالف قديمه وعن شبابه وعن اجداده وهيه مكيفه جنة والله خاله هو سوالفه حلو واحسه كولها مغامرة هديل اي صحيح احلى مغامرة من يسرح بصخول الاب بابا كول انسان وعايش واقعه الي عايشه ومفتخر بي مو عيب اذا هو نشأ بعائله او مجتمع بسيط عيب هذا الكلام اني ما اقبل عليج تكون نضرتج سطحيه وبيها نوع من انواع التكبر ولغرور هديل وهيه فشلانه كالت لا والله ما اقصد شي بس اني انقد جنة لان تحب سوالفه جنة وشبيها سوالفه على الاقل ميكذب انسان واضح وعفوي التفتت على خالو وكتله ها خالو موصحيح ابو عمار عفيه عليج انت كلبج طيب وعقلج جبير جنة من سمعت كلام عمو اتشجعت اكثر فزيت من مكاني وكتله خاله راح اشوفه متغدي لو بعده انصاف روحي حبيبتي اذا ممتغدي سويله صينيه وخلي يتغده جنة اتجهت للحديقه وشفته ديحلق بلثيل من شافني ضحك وكال هله بجناوي جنة هلو عمو اشلونك ابو صباح اذا انتم زينين اني زين جنة عمو اشو صارلك ٢٠ يوم ماكو ابو صباح والله ياعمو صباح وكع من الدراجه ون**رة رجله جنة بلهفه صدوك عمو شون وكع ابو صباح عنده دراجه يروح بيها للمدرسه مالته يروح ويرجع بيها من طالع الصبح عا**ه عليه سيارة وض*بته جنة عزة وتالي ابو صباح والله ياعمو شتالي هاي صارلي ٢٠ يوم اراجع بي جنة مع الاسف خطيه زين هسه شون وضعه ابو صباح .......اشويه احسن جنة من كلي على وضعهم انقهرت عليه وعليهم اني صباح شايفته كان من هو زغير يجي ويه ابوه ونلعب بلحديقه اني وياه وكان حباب ويعزني كنت من اروح للمدرسه اذا كان موجود ويه ابوه يوصلني للمدرسه ويكلهم هذي بنت عمي كان يحب يهتم بيه بس اني كنت ما افهم اهتمامه ومعتبرته صديق واخ بعدين كبر كام ميجي ويه ابوه احسه يستحي من شغلة ابوه ويتحسس من كلمة ابن الفلاح بس كنت دائما اودي سلام ويه عمو اله وهو كان دائما يسأل عليه عمو.. ويدزلي سلام بيده هو بلمدرسه كان كلش شاطر لدرجة كان درجاته كولها اعفاء انقهرت عليه ورجعت للمطبخ لكيت العائله كولها كاعده سولفتلهم السالفة وكتلهم هيج ابنه متعرض لحادث ابو عمار الله يساعدهم خطيه انصاف اي والله ميستاهل صباح ورده مخلد والله هو حباب وصخي جنة كنت همه يحجون واني اكو فكرة براسي اريد اختل بخالتي وكولها بس منتضرة الفرصه انصاف وهيه تباوع بوجه جنة وكالت بعيونج حجي كولي جنة بتلكء كالت خاله عفيه همه فقرة ماعدهم فلوس خلي ننطي لعمو فلوس علاجه رفع راسه عليه عمو وكال ولج انتي صدوك بنت حلال ولج كلبج هذا يدخلج الجنه عمار من رخصت بابا هاي اني اول المتبرعين ابو عمار كال لا انت ولاغيرك كلمن يخلي فلوسه بجيبه التفت على خاله وكلها طلعيلي فلوس من الي عندج وجيبيهن جنة بوقتها طرت من الفرحه وراح عمو ونطاه ١٥٠ الف دينار بوقتها هذي الفلوس الها قيمتها وتعتبر راتب موضف شهري خطيه هو اتشكر من خالو وصار مايعرف شون يشكرة اني من شفته فرحان اني هم فرحتي كانت اكبر من فرحته ركضت للمطبخ رتبتله صينيه غده ورحت واني كول ساعه رايحه جايه على المطبخ وخاله صافنه عليه وتتهامس هيه وبناتها عليه اني ثكلت خطواتي وبقيت اباوع عليهم انصاف تدرين ياجنة على طيبت كلبج هذي امج وبوج شكد تنولهم رحمة ونور من فضل الله وفضل عملج جنة بفرحه تقربت لخاله وشبكتها وكتلها واني دموعي جرن بوحدهن وكتلها صدوك خاله امي وبويه اذا اسوي حسنه توصلهم انصاف اي توصلهم ويدرون بيج بخيرج وبشرج جنة من ذاك الموقف وكلام خاله واني بقت بالي بان شسوي زين ماما وبابا يدرون بي ولعمل الي اسوي بدنيا بلاخرى همه ينولون اجرة ورة اربع ايام دخل علينه خالو وكال عم الجهال جاي ويريد ياخذ جنة ومخلد لهولندا الى اللقاء احبتي استودعكم في امان الله وحفظه اختكم الكاتبه حواء البغداديه لاتنسون الايكات والتعليقات ملاحظه راح يصير موعد التنزيل نفس هذا الوقت

Free reading for new users

Scan code to download app

App Store Google Play

Facebookexpand_more