Nagniningas ang galit sa mga mata ni Theodore, ngunit hindi natinag si Sebastian. Sa halip na umiwas, sinalubong niya ito ng titig na may halong pangungutya at bahagyang paghamon, na para bang hindi siya natatakot sa galit ng asawa ni Rosalie.
Ramdam ni Rosalie ang bigat ng tensyon sa pagitan nilang dalawa kaya mabilis siyang sumingit upang pigilan ang posibleng pagsiklab ng away. "Theo, anong ginagawa mo dito?"
Huminga nang malalim si Theodore, halatang pinipigilan ang kanyang emosyon. "Pinuntahan kita sa kwarto mo pero wala ka roon. Hinanap kita, tumawag ako nang ilang beses pero hindi ka sumagot. Tapos, nagsinungaling pa ang kaibigan mong si Steph at sinabing nasa kanila ka. Rosalie, bakit mo ginawa 'yon?"
Mula sa tono ng kanyang boses, halatang balisa siya. Halos mabaliw siya sa pag
