Nang maka alis na si Jeffrey agad ko nang kinuha ang aking bag at ang hinintay na bumukas ang elevator. Nang makababa ako agad akong nag tanong sa guard kung may package ba iniwan doon para sa akin.
"Meron po Miss Mary Joy, saglit lang po at kukunin ko sa receptionist." Ani ni manong guard sa akin kaya tumango ako at sumunod sa kanya. Napa kunot ang noo ko ng makita ko ang isang bouquet ng bulaklak at isang may kalakihang box na bitbit ni manong guard.
"Ito na po Miss Mary Joy." Saad niya at inabot sa akin ang isang bouquet ng bulaklak at box.
"Kanino po ito galing kuya?" Tanong ko sa kanya at inabot ang bulaklak sa kamay ko.
"Naku wala pong sinabi ang delivery man kanina Miss Mary Joy kung saan po galing. Ang sabi lang po na ibigay daw sa inyo kapag bumaba na kayo." Sagot niya sa akin
