Mia’s POV
Sa mga nakaraang araw, napansin ko ang pagbabago sa mood ng mama ko. Dati ay laging maaliwalas ang mukha niya, palaging nakangiti at masayahin, pero ngayon, tila wala siyang ibang alam gawin kundi magalit. Lahat na lang ng bagay ay pinapansin, kahit maliliit na pagkakamali ay parang napakalaking kasalanan para sa kaniya. Minsan, kapag wala akong nagawang mali, parang kasalanan ko pa rin. Hindi ko alam kung bakit, pero naririnig ko lagi ang pangalan ni Giyo sa mga usapan nila ni Papa.
Sa simula, akala ko ay wala lang ito. Siguro, may dinadala lang si Mama na hindi niya masabi. Pero habang tumatagal, napansin ko na ito ay hindi na basta simpleng problema. Minsan, naglalakad ako sa hallway ng bahay namin at narinig kong tila may init ng diskusyon mula sa kuwarto nila Mama at Pa
