Giyo’s POV
Nakipagkita sa akin si Sir Roberto. Hindi ko alam kung bakit, pero sumulpot na rin ako para malaman ko kung anong sadya niya sa akin. Pero alam kong baka magalit siya dahil sa inasta ko, pero mainam din siguro kung malaman niya ang side ko. Baka kasi siniraan na ako ng asawa niya. Para rin mapagtanggol ko ang sarili ko laban sa kaniya.
Sa isang coffee shop kami nagkita. Sa dami ng pera niya, inarkila niya ng ilang oras ang coffee shop para lang walang ibang customer na makapasok doon. Kalmado siyang nakaupo sa isang lamesa habang humihigop ng kape nang madatnan ko.
Kapagdaka siyang napatingin sa pinto nang pumasok ako sa loob. Nakita ko pa na napabuntong-hininga siya nang makita ako. Dahan-dahan akong naglakad palapit sa kaniya. Sa nakikita ko, mukha naman siyang kalmado, per
