Jordan
"Bakit mo ba kami tinatakot ni Marian? B-Bakit?" Nanginginig na tanong ko sa taong nasa harapan ko ngayon.
Nanatili syang nakatayo at hindi umiimik sa akin. Ngumisi lang sya patagilid na syang lalong nagpatindi ng inis ko sa kanya.
Mas nilapitan ko pa sya upang makita nya ang nangangalit kong mukha. Pero may parte sa puso ko na mas nangingibabaw ang awa sa kanya. Naaawa ako sa kanya dahil alam kong mabigat ang pinagdadaanan nya upang gawin ang mga bagay na ito.
"I-Ikaw din ba ang nagpadala sa akin noon ng mga patay na palaka? Yung mga blackmail note na nagsasabing papatayin mo ako? I-Ikaw ba yon?"
Napalingon ako sa aking likuran. Nasilayan ko roon si Marian na sapo sapo ang kanyang tiyan. May namuo nang luha sa mga mata nya.
Ngunit nagtaka ako sa mga sinabi nya. Hindi ny
