Pinagmamasdan ko ang wangis ni Morana mula sa isang luma at mahiwagang salamin. Hindi pa rin naaalis ang lason sa kanyang katawan. Halos hindi na tumitibok ang kanyang puso ngunit patuloy siyang lumalaban.
That's right, labanan mo ang kamatayan. Huwag mong hayaan na kunin ka nang tuluyan.
Gustong-gusto ko siyang tulungan pero hindi ito ang tamang oras. May isang nilalang na nagmamatyag sa kilos ko. Sa oras na gumawa ako ng hakbang tiyak akong mas malalagay sa kapahamakan ang buhay ni Morana. And I won't be able to save her.
Tinago ko ang salamin nang maramdaman ang isang pamilyar na presensya. Narito nanaman siya sa aking silid. Ang nilalang na puno't-dulo ng lahat.
Mabilis na kinuha ko ang libro sa ilalim ng aking mesa. Tinapat ko ang libro sa aking mukha at nagkukunwaring nagbabasa.
