Nanatili lamang akong tahimik sa likurang bahagi ng sasakyan habang bumabyahe kami pauwi sa bahay. Katabi ko si Vonn, habang nakakandong naman si Amara kay Daphne. Si Miss Belle naman ay nasa harapan nkaupo at si Derick ang nagmamaneho.
Si Derick at Amara lamang ang nag-uusap simula pa pag-alis namin sa mall. Sa sobrang daldal ng lalaking ito, tiyak na magkakasundo talaga sila ni Amara. Daig niya pa si Vonn sa kakulitan niya. Sobrang kabaliktaran sa pag-uugali ng kapatid niya.
"Pretty what do you want from tito, when I visit you again?" tanong nito kay Amara at tumingin pa sa salamin Nang-aasar talaga ang kumag na 'to. Hindi man lang nagtanong sa akin kung okay lang ba magdala siya ng kung ano-ano para sa mga bata. Para ano? Suhol?
"Hmm.." nakataas pa ang kamay ni Amara at nakaturo ka
