Walang nagawa si Lady Abby sa kagustuhan ni Mattias. Ihahatid siya nito sa ayaw at sa gusto niya. Mahigpit ang pagkakahawak ni Mattias sa kabilang palad ng dalaga at hindi iyon binibitiwan habang papalabas sila sa back door ng restaurant.
Palagay ang loob ni Lady Abby dahil walang tao sa hallway na dinaanan nila, subalit abot-abot naman ang kaniyang kaba nang makalabas na sila sa back door. May ilang restaurant staff doon na matapos magbigay-galang kay Mattias ay ngumiti sa kaniya saka yumukod. Naiinis siya sa ganoong gesture dahil ayaw niyang may makaalam sa totoo niyang pagkatao lalo na't kasama niya si Mattias. Sa tingin niya ay kilala siya ng isang staff na yumukod sa kaniya.
Napailing na lang siya. Kabilang siya sa royal family na nagmula pa sa Europe at kinaugalian na ng mga nakaka
