"Ano ba namang klaseng tanong 'yan, Liam?"
"Just answer me, love."
Napabuntong-hininga ang dalaga. Niyakap niya ito. "Oo naman."
Hindi ito umimik. Niyakap siya nito pabalik habang marahang hinahaplos ang kanyang pisngi. Hindi niya alam kung paano niya pa kakayanin na magsinungaling. Na itago ang totoo. Ilang araw na lang bago niya isagawa ang plano niya. Isang plano na alam niyang wawasak nang todo sa kanyang puso.
"Mahal kita, Liam. Mahal na mahal."
At sa sobrang pagmamahal ko sa'yo, kailangan kitang pakawalan, bulong ng isipan niya.
Marahan nitong hinila papasara ang kurtina sa likuran nila dahilan para magdilim ang loob ng silid. Ang tanging ilaw lang na naroroon ay ang malamlam na liwanag na nanggagaling mula sa mga maliliit na lampshade. Naramdaman niya ang paghaplos nito sa k
