Maaga pa lang ay gising na si Celine . Ang liwanag ng umaga ay pumapasok sa maliit niyang condo, bumabalot sa mga halaman sa balkonahe na parang isang maliliit na hardin sa gitna ng lungsod. Suot niya ang paborito niyang oversize shirt at shorts, may hawak na mug ng kape habang inaayos ang mga paso. Akala niya, isang ordinaryong Sabado lang—magla-laundry, maglilinis, baka manood ng K-drama.
Hindi niya alam na may kumakatok na pala sa pinto. Tatlong mabilis na katok, na may kasunod na malakas na boses.
“Celine! Buksan mo! Surprise delivery!”
Napakunot siya ng noo. “Delivery? Wala naman akong in-order…” Binuksan niya ang pinto, at bumungad ang pamilyar na ngiti ni Lance—naka-denim jacket, messy pero bagay sa kanya ang buhok, at may dalang dalawang iced coffee at isang paper bag na may nak
