Abala si Celine sa pagre-revise ng floor plan, seryosong nakatutok sa laptop, habang ang ibang empleyado ay nakayuko rin sa kani-kanilang trabaho. Tahimik, puro tik-tak ng keyboard at pag-ikot ng mga lapis ang maririnig—hanggang biglang bumukas ang pinto ng design studio na parang may dumating na VIP.
“Celiiiiiiiiiiine!” Malakas at puno ng enerhiya ang boses ni Celeste, ang ina mismo ni CEO Lance.
Nagulat ang lahat. May biglang napadiretso ng upo, may nagkunwaring abala ulit sa papel, at may halatang kinabahan. Sino ba naman ang hindi? Hindi araw-araw na umaambush sa opisina ang mismong nanay ng kanilang CEO.
Napatingin si Celine, natigilan, at dahan-dahang tinanggal ang earphones niya. “Tita Celeste?” halos pabulong niyang sabi, pero hindi iyon nakaligtas sa lahat ng tenga.
Nagbulunga
