Napaiwas ng tingin si Diane kay Rj. Buking na nga talaga siya at wala na siyang karapatan para magsinungaling pa. Mahiya naman na siya sa balat niya.
"Nasaan 'yung pusa?" napakaseryoso na tanong ulit ni Rj sa kanya.
"Sandali kukunin ko." Halos magdugtong ang kanyang baba at dibdib sa pagkakayuko niya na iniwan niya saglit si Rj para kunin ang pusa. Hindi na niya ito kayang tingnan sa mata.
Ito ang napapala ng sinungaling, napapahiya. Pero hindi rin naman niya gagawin sana iyon kung hindi dumating si Rj, eh. Bakit parang kasalanan niya lahat?
Ilang sandali pa'y dala na niya si Patty. Tulog ang pusa sa ilalim ng kanyang kama, kaya pala hindi niya napansin kanina.
"Sorry po kung nagsinungaling ako," senserong sabi niya kay Rj habang inaabot niya rito ang pusa ni Jazz. Hindi pa rin siya m
