"Ang mabuti pa tulungan mo na lang ako," sabi ni Diane tapos binuhat na niya ang lalagyang karton ng ahas at tuko. "Gawin na natin ang sangkap bago pa dumating sina Nanay, dali!"
"Ano?! Ayoko nga! Gawin mong mag-isa 'yan! Ew!" kaso ay malakas na tanggi ni Gerlie sa kanya.
"Alam mo ngayon ko na talaga napapatunayan na hindi kita tunay na kaibigan!"
"Wow! Mangonsensya ka kung gusto mo! Basta ako hindi ako tutulong sa 'yo! Bahala ka r'yan sa kalokohan mo!" Pagkasabi 'yon ni Gerlie ay nagtitili itong lumabas ng bahay nila.
"Hoooy!" Tawag niya rito. "Kung ayaw mo kunan mo na lang ako ng origano!" sigaw pa niya. Ngunit parang wala nga talaga siyang aasahan sa kaibigan dahil nagtuloy-tuloy na itong umalis na parang hindi siya narinig.
Nagkibit-balikat siya. "Hindi ko rin naman kailangan ang
