Tahimik ang veranda nang bumalik siya sa gilid ni Ethan. Ramdam niya pa rin sa balat ang init ng araw, pero mas malinaw ang ibang init—yung hindi galing sa araw, kundi galing sa kakaibang kilig at curiosity na sumiklab kanina.
Ang tawa ni Sky at Callum, ang simpleng kumpas ng kamay ni Snow habang hawak ang strawberry pop… paulit-ulit na bumabalik sa isip niya. Hindi niya maintindihan kung bakit, pero para bang matagal na niyang kilala ang tatlong iyon.
Lukso ng dugo?
Or just my mind playing tricks?
Hawak pa rin niya ang baso ng scotch, pero hindi na niya namamalayan na halos hindi niya ito iniinom. Parang mas gusto niyang hawakan ang memorya ng ngiti nila kaysa ang malamig na baso sa kamay niya.
“How does it feel?” tanong ni Ethan mula sa high chair, steady at may halong pagsusuri sa
