Mainit pero banayad ang sikat ng araw sa tabing-dagat. Ang hangin mula sa dagat ay may dalang amoy ng alat at sariwang damo mula sa mga puno ng niyog sa paligid ng resort. Sa gilid ng shore, abala ang triplets — si Sky, Callum, at Snow — sa paggawa ng sandcastle na halos kasing laki na ng isang maliit na mesa.
Nakatayo si Sky sa tabi, hawak ang maliit na plastic shovel at seryosong tinatambakan ng buhangin ang isang tore. “Make it taller, Callum. It has to be the biggest one here,” utos niya na parang siya ang project manager.
Si Callum naman, nakaluhod at may hawak na balde, abala sa paglagay ng buhangin pero sumulyap sandali sa direksiyon ng veranda kung saan kanina niya nakita si Liam. “Do you think… it was him?” mahina niyang tanong, halos pabulong pero malinaw na malinaw kay Snow na
