Tahimik lang si Liam, pero bakas sa mga mata ang pagkalito at pagkabalisa. Parang may narinig siya sa pagitan ng mga salita ni Alyssa na hindi niya lubos maintindihan.
Parang may kulang.
Parang may tinatago.
At doon, lalo lang gumuhit ang masidhing kaba sa puso niya.
Ano ang hindi sinasabi ni Alyssa?
At bakit sa bawat segundong kasama niya ito… mas lalo siyang natatakot sa sagot?
Bigla, tumayo si Alyssa mula sa kinauupuan niya. Maingat pero matatag ang bawat galaw, parang ayaw niyang bigyan si Liam ng pagkakataon na hulaan pa kung ano ang tumatakbo sa isip niya.
“I should go.”
Pero bago pa siya makalakad palayo, mabilis na tumayo rin si Liam at hinawakan ang braso niya — mahigpit pero hindi masakit. Sapat para pigilan siya.
“Alyssa, wait.” Mababa at mabigat ang boses niya, parang
