Sa malamig na liwanag ng umaga, tahimik na bumukas ang pintuan ng private office ni Liam. Sa kanyang mesa, nakatambak ang ilang confidential files na hindi pa niya nagagalaw mula kagabi. Nakatayo si Carl sa gilid, hawak ang isang maliit na USB drive na para bang may bigat ito na hindi basta-basta madadala ng kahit sino.
“Boss…” mababa at may diin ang boses ni Carl. “Ito na yung footage galing sa airport CCTV. ‘Yung araw na dumating si Ma’am Sera, kasama ‘yung mga bata at ‘yung dalawang kuya niya.”
Itinapat ni Liam ang tingin sa kaniya, walang imik. Kinuha niya ang USB at agad isinaksak sa kanyang laptop. Ilang segundo lang, sumulpot sa screen ang malinaw na kuha ng arrival area.
Una, ang pagpasok ni Sera, bitbit ang mga bata, habang maingat na sinusundan ng dalawang lalaking may presens
