Lunes ng umaga. Maaga pa lang ay gising na si Alyssa, tinutulungan sina Sky, Snow, at Callum na maghanda para sa pasukan. Maayos ang uniform ng tatlo, nakalagay na rin sa bag ang kanilang mga baon. Kahit abala, ramdam ni Alyssa ang kakaibang saya ng mga anak dahil sa nagdaang weekend.
“Mommy, masarap pa rin yung picnic natin kahapon!” bulalas ni Callum habang inaayos ang shoelace.
“Yeah, Mommy! Tapos si Daddy ang galing magpalipad ng saranggola!” dagdag ni Sky na agad nakangiti.
“Ang saya talaga kapag kumpleto tayo,” huling sambit ni Snow, sabay hawak sa kamay ng mommy niya.
Saglit na napahinto si Alyssa. Hindi man niya gustuhin, ramdam niyang may epekto na agad si Liam sa mga anak nila. Pinilit niyang ngumiti, pero may bigat pa rin sa dibdib.
Habang nag-aalmusal sila, biglang tumunog
