Maagang nagising si Liam kinabukasan. Mabigat pa rin ang ulo niya mula sa ininom kagabi, ngunit mas mabigat ang desisyong pinipilit niyang buuin sa dibdib niya ngayon. Pagmulat pa lang ng mga mata niya, alam niyang hindi na siya pwedeng magpatumpik-tumpik.
Pagkababa niya mula sa grand staircase ng Navarro mansion, bumungad agad ang malamig na ambiance ng dining hall. Ang marmol na sahig, ang kumikislap na chandelier, at ang mahahabang kurtina ay parang mga matang nakatingin sa kanya, naghihintay kung hanggang saan ang kaya niyang panindigan.
Doon, nakaupo sa mahabang dining table si Doña Margarita. Elegante pa rin ito kahit umaga pa lamang, nakapustura sa bestidang beige. Hawak niya ang tasa ng kape ngunit hindi iyon ang nagbigay bigat sa eksena—kundi ang titig niyang ngayon ay hindi na
