Hemira 35 - Kirot ng Puso
~Yohan~
"Euphemia?" hindi ko makapaniwalang tawag sa babaeng bigla na lang sumulpot sa likuran ko.
Nanlaki rin ang mga mata niya pero parang hingal na hingal siya. "Argyris! Ikaw nga! Sabi na at ikaw ang aking nakita kaya ika'y akin agad nilapitan!" Tuwang-tuwang siya at niyakap pa ako.
Inilayo ko agad siya sa akin kaya napabitaw siya. "Ba't ka nandito? Ang layo na nito sa pamilihan ng Adon ah!" Hindi pa rin ako makapaniwala na nakarating siya rito.
Tiningnan ko siya mula ulo hanggang paa. Mahaba 'yung kasuotan niya na makulay at talagang nakakaagaw ng pansin.
"Hindi ba't sinabi ko na sa iyo noon wala akong permanenteng lugar kaya kung saan lamang ako dinadala ng aking mga paa ay roon ako napapadpad ngunit maaari mo ba akong tulungan ngayon?" Habol pa rin ni
