Kabanata 49
May sumalubong sa akin na mag-asawa. Nakasuot ng kulay dilaw na daster ang babae at kupas na itim na t-shirt ang lalaki. Mukhang nasa early forties pa lang sila.
"Magandang hapon po..." Marahil sila ang tinutukoy ni Ms. Lorenza na caretaker sa resort na ito.
"Magandang hapon din po." Nakangiti ang mga ito sa akin na mukhang hinihintay talaga ang pagdating ko. "Kayo lang po bang mag-isa madame?" habol na tanong pa ng babae.
"Opo." Ngumiti ako sa kanila. "Lauren na lang po ang itawag n'yo sa akin."
Sabay tumango ang mga ito at ngumiti. "Dyesa naman ang pangalan ko. Ito naman si Estong, ang asawa ko."
"Ikinagagalak ko po kayong makilala." Marahan akong yumuko at ngumiti muli sa kanila.
"Naku! Nakakahiya naman sa 'yo madame," ani Estong. "Ako na po magdadala ng bagahe n'yo.
