Kabanata 9
Sumulyap ako sa kanya na mahimbing na natutulog sa kama at lasing na lasing. Napailing na lang ako dahil may suot pa itong sapatos at maingat na lumapit sa kanya upang alisin ito.
Nagulat ako nang marahan itong gumalaw. Nataranta ako at mabilis na tumayo upang makalayo sa kanya. Muli ko itong pinagmasdan na kahit natutulog ay nakakunot pa rin ang noo niya.
Paano ko siya kakausapin kung lasing siya?
Napailing na lang ako. Madiin kong pinagdampi ang labi ko at nagpasya na lumabas sa silid nito. Sa sala sa sofa ako natulog dahil sigurado ako na magagalit ito kapag nakita niya akong nasa loob ng silid niya. Siguro dahil na rin sa sobrang pagod ko ay nakatulog ako nang mahimbing.
Nagising ako na madilim pa ang paligid.
Kahit hindi na ako nagtatrabaho ay nasanay ang katawan ko n
