Kabanata 60
Tumungo ako sa kusina upang maghanda ng merienda nila. Naglalaro sa sala si Brielle kasama si Betty habang nanonood naman ng movie sina Ate Yllane at Yolly. Pinagpahinga ko na muna si July tutal ay nandito naman ako.
Natigilan ako noong may sumiko sa kanan ko. Sumulyap ako at sumalubong ang nakakalokong ngisi ni Yolly sa akin.
"Kailan pa?" tanong nito at kumuha ng isang fries at kinain ito.
"Anong kailan pa?" kunot noong tanong ko habang hinihintay pang maluto ang ibang fries.
Kumuha ako ng tinapay at palaman.
"Wala kang na kuwento sa akin. Hindi mo sinabi sa 'kin na nandito siya…"
"Hindi ko rin alam," tipid na sagot ko at namula ang pisngi. Nahihiya ako sa mga mapanuring titig nito sa akin.
"Talaga? E, para saan 'yong bulaklak?"
"Huwag ka ngang maingay." Mabuti na l
