DAHIL suportado ng mga kaibigan niya ang date nila ng kanyang asawa, maaga pinauwi nina Sheila si Lyn.
“Mag makeup ka at magayos ng buhok,” sabi ni Jesilyn.
Napahinto siya sa dapat paglabas ng opisina. Nilingon niya ang mga babae at ngumiwi. “Lipstick lang ang kaya ko ilagay na makeup.”
Nagkatinginan ang magkaibigan. Parang nag-usap ang mga mata. Tapos tumayo si Sheila. “Malapit lang ang bahay mo, ‘di ba? Tatawagan ko si Sylve. Tutulungan ka namin mag-ayos. Hindi puwede ‘tong si Jesi kasi susunduin na ‘yan ng asawa niya mayamaya lang eh.”
Na-touch si Lyn. Napangiti. “Salamat.”
Kaya wala pang thirty minutes, nasa bahay na siya kasama sina Sheila at Sylve. Ang dalawa ang pumili ng dress na isusuot niya. Pagkat
