HINDI mapakali ng gabing iyon si Siri. Sa gabing ito kasi niya isasagawa ang binabalak niyang pag-alis. Sigurado na naman siya na sa mga oras na ito ay naroon na iyong van sa may arko ng San Sebastian.
Paroo’t parito siya sa silid na iyon. Tiningnan niya sina Ayanne at Karen na kapwa natutulog sa mga kama nito. May lungkot na humaplos sa kanyang puso. Siguro ay susumbatan siya ng mga ito sas gagawin niya ngunit mas importante ang kanyang kaligtasan. Bata pa siya at maraming pangarap at nais pang gawin.
I’m so sorry sa gagawin kong pag-iwan sa inyo... Sorry kung hindi na ako magpapaalam dahil alam kong pipigilan niyo lang naman ako, eh... Bulong niya sa kanyang sarili at inilayo niya ang tingin sa dalawa.
Kanina ay umalis si Ayanne at pagbalik nito ay nagulat sila sa rebelasyon na sinabi
