MALALAKI ang mga hakbang na ginagawa ni Siri. Halos bente minuto na siyang naglalakad. Lakad-takbo na ang kanyang ginagawa upang makarating agad sa arko ng San Sebastian. Napangiti siya nang makita na niya ang arko na may nakalagay na “Maligayang Pagdating Sa San Sebastian”.
Naroon din sa gilid ng daan ang van.
“Thank God!” medyo malakas pa niyang sabi sa labis na pagkatuwa niya.
Nagmamadali na naglakad siya para malapitan agad iyong van. Bigla siyang natalisod sa isang ugat ng puno at tumama ang kanyang tuhod na isang matulis na bato. Napamura siya sa sobrang sakit at nang makita niya ang pagdugo niyon. Pero hindi niya iyon pinansin pa. Tumayo siyang muli at naglakad papunta sa van.
Akmang bubuksan na sana ni Siri ang pintuan sa may driver’s seat ng van nang makarinig siya ng pagsigaw
