Naglalakad si Thummy papuntang BSC nang mahagip ng kaniyang paningin si James. Napangiti siya nang makita ito. Kakawayan na sana niya ito nang mapansing may kausap itong isang magandang babae. At hindi lang maganda, sexy rin ito. Nakasuot ito ng pencil cut dress na kulay beige, kaya kitang-kita ang magandang kurba nito sa katawan. Lumutang din ang kaputian nito sa kulay ng damit nito. Nakalugay pa ang buhok nitong alon-alon. Mukhang seryoso ang pinag-uusapan ng mga ito, kaya naman dire-diretso na lang siyang pumasok sa Cafe.
Agad na siyang nag-ayos ng sarili saka lumabas sa dining area. Off nila Angie at Janice ngayon. Samantalang panggabi naman sina Ayen at MJ. Kaya tuloy wala siyang makakulitang mga kaibigan ngayon. Ginugol na lang niya sa pagta-trabaho ang kaniyang oras. Hindi pa rin
