Dahil maaga siyang nagpahinga kagabi, maaga rin siyang nagising kinaumagahan. Nagluto muna siya ng kaniyang almusal saka nagkape. Matapos makapag-agahan, nag-umpisa na siyang maglaba. Nang matapos siyang maglaba, isinunod naman niya ang paglilinis ng kaniyang kuwarto. Nang matapos sa paglilinis ay saglit siyang nagpahinga. Dahil sa pagod ay nakatulog siya mula sa pagkakasalampak sa sahig. Pasado alas dos na, nang magising siya. Nakaramdam siya bigla ng gutom, dahil hindi pa nga pala siya nagtatanghalian. Naligo muna siya bago naisipang bumili ng makakain sa tindahan.
Paglabas niya sa gate ng boarding house niya, ay agad siyang dumiretso sa tindahan ni aling Nene. Bumili na lang siya ng turon, at tinapay. Iyon na lang muna ang kakainin niya. Habang hinihintay niya ang kaniyang sukli, ay in
