Nagpupuyos Na Galit
Ang binabalak kong pamamalagi sana sa bahay nila Tyrone ay nauwi rin pala sa bahay nila Sylver kasama ang mga babae.
Para namin iyong ginawang condo unit naming lahat at doon na kami nagpasyang matulog pag napapagod na kakapanood ng kung ano ano.
Nagigising nalang ako na yakap yakap na ni Ellie ang aking tiyan at minsan ay nakadagan pa sa akin ang kanyang binti. Kaya pala ayaw katabi ito ni Sky.
"Napanaginipan ko 'yung pinanood natin kagabi." Humihikab na sabi ni Julie nang magising narin ito at buhaghag pa ang buhok.
Walang umimik sa kanyang sinabi, lahat ay tulala pa dahil kakamulat lamang ng mga mata.
Bumaba ako ng kama at pumasok sa cr. Akma ko na sana iyong isasara nang natatarantang tumakbo si Ellie at pinigilan ako.
"Pasabay... Naiihi na ako," sabi niya sa
