“Sobrang sarap po at busog na busog po ako. Maraming salamat po sa inyo!” maligayang sambit ni Dina nang makauwi kami.
Nakahawak lang ako sa aking tiyan habang pinipigilan ang sarili na matae. Si Grazer ay buhat na buhat ni Gregory habang ako ay dumiretso agad sa banyo. Hindi ko na talaga mapigilan. Masyado akong pinarusahan ni Gregory kanina. Ano ba ang problema niya at kanina pa niya ako sinamaan ng tingin?
May problema ba sila ng girlfriend niya? Huwag niya sana akong idamay. Hindi ako sanay na kumain ng marami kasi sinanay ko na ang tiyan ko na kaunti lang.
Nagtagal ako sa banyo dahil sa dami ng inilabas ko. Hindi ko maiwasan ang magtanim ng kaunting sama ng loob kay Gregory dahil pinipilit niya ako. Ano ba ang problema niya sa pagiging skinny ko? Katawan ko naman ito tsaka hindi
