Nakatingin lang ako sa sahig habang dinadakip ng mga kasamahan ni Greg ang dalawang lalaking duguan. Pumikit na lang ako at naisip ang anak ko. Hindi mo talaga alam kung kailan ang oras mo. Baka ngayon, kinabukasan, wala ka na sa mundong ito.
Napamulat ako nang marinig ko ang mahinang yapak ni Gregory. May baril pa rin ang kanyang kamay at ang isa ay may dalang kutsilyo. Lumapit siya sa ‘kin at kinuha ang dalawang kamay ko. Malamig ang kanyang mata at hindi ko mabasa. Nang matapos niyang tanggalin ang tali sa kamay ko ay sinunod naman niya ang sa paa ko.
Hindi ko alam kung ano ang sasabihin sa kanya. Masyado akong nagulat sa nangyari. Sa pagkakaalam ko, businessman si Gregory, pero ano itong nakita at nasaksihan ko?
Umawang ang labi ko nang maglahad siya ng kamay sa ‘kin.
“Let’s go
