Flashback…
6 years ago…
“Tiya Mirasol!” sigaw ko habang hawak na ng mga police ang mga nakaposas na si Tiya Mirasol.
Galing ako sa paaralan at nalaman ko na lang na dinakip si Tiya Mirasol dahil pinadakip ni Criza Sanchez. Nagnakaw daw si Tiya ng alahas.
“Honey…” Umiling siya sa ‘kin. “Hindi ako ang nagnakaw…”
Umawang ang labi ko natigilan. Tumulo ang luha ko nang tuluyan na siyang nakapasok sa kotse. Naiwan akong nakatulala habang pinagmamasdan ang pag-alis ng police car.
“Hindi…”
Hindi magagawa ni Tiya ang gano’ng bagay. Sobrang bait ni Tiya Mirasol at palagi iyong nagsisimba. Hindi niya kayang gumawa ng gano’ng bagay. Alam ko na hindi…
Kinuyom ko ang kamao ko at naisipan na puntahan ang bahay ng mga Sanchez. Una kong nakita si Gregory na papababa na ng hagdan at nang makita a
