HABANG pinagmamasdan ni Bella si Amarah na mahimbing na natutulog ay hindi niya maiwasan makaramdam ng habag para sa sitwasyon nito. Kung pwede lang makipagpalit sa kalagayan ng anak niya ay ginawa na niya.
"B-Bella..." mahinang tawag ng isang boses ng babae na kay tagal din na panahon mula ng huli niyang marinig.
Pinahid niya ang mga luha at nilingon ang may ari ng boses. "A-Ate? Ate Gwen!" gulat niyang sambit ng makita ang nakatatandang kapatid sa may pinto.
Binitawan nito ang dalang bag at sa malalaking hakbang ay agad na nilapitan si Bella at niyakap.
"Ate," tanging naturan ni Bella habang yakap siya ng kapatid.
"I'm so sorry!" turan ni Gwen habang tumutulo ang mga luha.
"Ate Gwen, ang tagal mong nawala. Akala ko ay hindi ka na namin makikita pa ni Amarah," umiiyak na din na tur
