NANGINGINIG yata ang buong katawan ni Bella noong makarating na sila ni Kristen sa kotse. Hindi narin niya napigilan ang pagtulo ng mga luha niya.
God. Sa laki ng Maynila, bakit kailangan pang magtagpo ulit ng mga landas nila ni Dwayne. Okay na siya eh. Nakakapagmove-on na siya... Atleast iyon ang akala niya dahil obviously nasasaktan parin siya kahit alam niyang hindi na dapat.
Ilang sandali lang muna siyang hinayaan ni Kristen na umiyak. Tahimik lang ito sa inuupuan nito.
"I-I'm sorry," hingi niya ng paumanhin kay Kristen noong humupa na ang pagbuhos ng mga luha niya. "I-I shouldn't---"
"It's okay," nginitian siya ni Kristen. "Okay ka na ba?"
Marahan siyang tumango habang nakayuko. Hindi siya makatingin ng deretso kay Kristen at hiyang-hiya siya dito dahil sa nangyari. Nahihiya
