MABILIS ang mga sumunod na pangyayari sa buhay nila Bella. Sa ilang araw lang ay nakalipat na sila ng tirahan. Sa isa iyong mamahaling subdivision sa Batangas. Kumuha rin si Armand Thomas ng katulong na makakasama nila. He provides everything that they need.
Mabait si Armand lalo na pagdating kay Amarah. Nakikita ni Bella na sinusubukan talaga nitong makabawi sa mga naging pagkukulang nito sa anak.
Noong una ay nahirapan si Bella kung paano ipaliliwanag kay Amarah kung sino ba talaga si Armand sa buhay nila, sa buhay nito. Mabuti nalang at naroon si Gwen, lalo na si Armand na siyang sumagot sa mga tanong ni Amarah.
"Mommy, sino po siya?" tanong ni Amarah kay Bella noong una nitong makita si Armand.
Nagkatinginan si Bella at Gwen. Umiling si Gwen na ang ibig sabihin ay huwag sasabihin
