JAY MONTEMAYOR
Pagkatapos ko silang talikuran ay napabuntonghininga na lang ako. Hindi ko na sana sila papansinin kung hindi ko lang narinig ang pangalan ni Lally.
Ayoko sanang makielam sa kanila pero hindi ko kayang makitang masaktan si Lally, dahil lang sa pangungulit niya. Lally is not yet ready to face them, I know that. Kaya sana ay hayaan na nila muna ito.
Nang makarating ako sa tapat ng kwarto ko ay tumigil muna ako sa labas at tinignan ang kwarto ni Lally. Magkakadikit lang naman ang kwarto naming tatlo.
Nagpapahinga na kaya 'yon?
Imbes na dumiretso sa loob ay naglakad ako palapit sa kwarto ni Lalaine at nabuksan ko agad 'yon dahil hindi naka-lock. Napailing na lang ako, lagi na lang niya nakakaligtaan mag-lock ng pinto.
Pagpasok ko sa loob ay natigilan ako nang makita ko
