“P-pinagsasabi mo, Ancel? Pwede ba, 'wag mo nga akong pinagloloko,” nauutal kong sabi, sabay ang bahagyang pagtulak sa kanya. “At saka, lumayo-layo ka nga, baka may makakita na naman sa atin at mag-isip na naman ng masama,” sabi ko pa.
Bumuntong-hininga siya sabay higa sa tabi ko. “Aya, seryoso ako. Alam kong marami akong nagawang mali sa’yo. Nakita mo kung gaano ako katarantado—tarantadong walang hiya,” pagpatuloy niya pero wala na sa akin ang tingin. Nasa medyo makulimlim na kalangitan na.
Habang ako, hindi pa rin maalis ang tingin sa kanya. Oo, nagulat ako. Gulat na gulat at hindi alam kung ano ba dapat ang maramdaman ko sa sinabi niya.
Tama nga siya, nakita ko ang lahat ng katarantaduhan niya, ang kahayupan niya at kabastusan niya. Bukod sa mga nakita ko, hindi ko pa alam kung
