LOVE ME, Cade. Hindi hurt me. Aware kaya siya sa pagkakaiba ng mga ito? Alam kaya niya na mas nasasaktan niya ako kaysa minamahal? O baka ito lang talaga ang alam niyang paraan ng pagmamahal?
Para siyang test paper. Hindi ko maintindihan at ang hirap sagutan.
Katulad ng hindi ko maintindihan ang tumatakbo sa isip niya, ay hindi rin niya ako maintindihan—hindi niya alam kung ano ang mothsary.
Pagkatapos ng nangyari sa amin, iniwan ko na siya sa study room niya.
Hindi na bale nang magkandabunggo-bunggo ako sa daan, kahit parang may piring ako sa mga mata—basta makalayo lang sa kanya.
Ayaw kong tuluyang magalit. Kasi nangako ako na hindi ko siya susukuan.
Kailangan ko pa rin siya.
Naniniwala pa rin ako na posible pa rin niya akong matulungan.
Pero sa ngayon, ipinagpaliban ko muna ang
