Devron
ANG HIRAP pa lang magpalaki ng anak, lalo na kapag lalaki at kaugali mo pa. Alam kong matigas ang ulo ko dati noong bata ako pero hindi ko akalain na mas dodoble ito pagdating sa anak kong si Laxon. Ang panganay sa kambal ko.
Sa kanilang dalawa ay si Laxon ang matigas ang ulo. Mas seryoso siya sa buhay at pagaaral niya. Minsan nga ay hindi ko nakikitaan na sumasama sa mga pinsan niya at gusto naman lagi sa kwarto o magaral maigi. Para sa kanya kapag sumama siya ay nagulo lamang at hindi siya makapag-focus. Kaya kapag kuhanan ng award ay siya palagi ang nangunguna. Hakot kung hakot si Laxon sa award. Kulang na lamang ay siya ang pumalit kay Einstein sa pagiging matalino.
Habang ang anak ko namang babae na si Cassandra ay go with the flow na lang sa buhay niya, kabaligtaran siya
